ہندوستان میں کورونا پر کچھ حد تک قابو ضرور پا لیا گیا ہے، لیکن ملک بھر سے کئی ایسی تصویریں سامنے آتی رہتی ہیں جو کورونا کی تیسری لہر کو دعوت دیتی ہوئی دکھائی پڑتی ہے۔ اس درمیان شیوسینا رکن پارلیمنٹ سنجے راؤت نے بی جے پی کی ’جَن آشیرواد یاترا‘ کو تیسری لہر کو دعوت دینے والا ٹھہرایا ہے۔ بدھ کے روز انھوں نے ممبئی میں صحافیوں سے بات چیت کرتے ہوئے کہا کہ ’’بی جے پی کو تھوڑا صبر سے کام لینا چاہیے۔ جَن آشیرواد یاترا تیسری لہر کو دعوت دینے والا ہے۔ بی جے پی ایسا قصداً کر رہی ہے۔‘‘
Published: undefined
قابل ذکر ہے کہ مرکزی کابینہ کی توسیع کے بعد اس میں شامل بھارتی پوار، کپل پاٹل اور بھاگوت کراڈ اس ہفتہ کے شروع سے مہاراشٹر کے الگ الگ حصوں میں لوگوں سے رابطہ قائم کرنے اور حالیہ الیکشن میں بی جے پی کی جیت پر ان کا شکریہ ظاہر کرنے کے لیے ’جَن آشیرواد یاترا‘ کر رہے ہیں۔ اسی تعلق سے شیوسینا لیڈر سنجے راؤت نے بی جے پی کو تنقید کا نشانہ بنایا اور کہا کہ بھیڑ لگانے والا کوئی بھی پروگرام اس وقت نہیں کیا جانا چاہیے۔
Published: undefined
ایک میڈیا ادارہ کے ذریعہ کرائے گئے سروے میں مہاراشٹر کے وزیر اعلیٰ ادھو ٹھاکرے کو ملک کے سرفہرست پانچ وزرائے اعلیٰ کی فہرست میں شامل کیے جانے سے جڑے ایک سوال کے جواب میں سنجے راؤت نے کہا کہ ’’بی جے پی اوپینین پول کو خارج کرنے کی کوشش کر رہی ہے کیونکہ اس فہرست میں بی جے پی کے ایک بھی وزیر اعلیٰ کا نام نہیں ہے۔‘‘ راؤت نے یہ سوال بھی کیا کہ یہ سوچنے والی بات ہے کہ آخر اس فہرست میں بی جے پی کے ایک بھی وزیر اعلیٰ کا نام کیوں نہیں ہے؟
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined