جونپور: سماج وادی پارٹی (ایس پی) سربراہ و سابق وزیرا علی اکھلیش یادو نے یوگی آدتیہ ناتھ حکومت کی سخت تنقید کرتے ہوئے کہا کہ بی جے پی حکومت چند ہاتھوں میں ملک کا سب کچھ دینے کی خواہاں ہے لیکن سماج وادی پارٹی ہر حال میں کسانوں کے ساتھ کھڑی ہے۔
Published: undefined
ایس پی سربراہ سابق ایم ایل اے و کابینی وزیر پارس ناتھ یادو کی جینتی پر منعقد ایک پروگرام سے خطاب کر رہے تھے۔ انہوں نے اپنے خطاب کے دوران سوال کیا کہ 'جو لوگ بلڈوزر لے کر گھوم رہے ہیں وہ پہلے یہ بتائیں کہ بلڈوزر کہاں چلنا چاہیے۔ جن کے گھر کے نقشے پاس نہیں ہیں ان کے گھروں پر یا 50 سالہ خاتون کے ساتھ عصمت دری کرنے والے ملزمین کے گھروں پر؟
Published: undefined
سابق وزیر اعلی نے تین زرعی قوانین کے خلاف سراپا احتجاج کسانوں سے ہمدردی کا اظہار کرتے ہوئے کہا کہ سپریم کورٹ کہہ رہی ہے کہ قانون خراب ہے اور حکومت اسے ٹال رہی ہے اور اس میں کوئی دلچسپی نہیں دکھا رہی ہے۔ انہوں نے انتباہی انداز میں کہا کہ اگر حکومت یہ قوانین واپس نہیں لیتی ہے تو آنے والے دنوں میں اس حکومت کا کوئی پتہ نہیں ہوگا۔ انہوں نے عوام سے اپیل کی کہ جمہوریت کی بقا کی جدوجہد کا یہ آخری الیکشن ہے اس میں سماج وادی پارٹی کو ضرور کامیاب بنائیں، بصورت دیگر جمہوریت کا تصور ذہن سے نکال دیں۔
Published: undefined
انہوں نے کہا کہ سماج وادی پارٹی (ایس پی) نے جب کسانوں کی حمایت کا اعلان کیا تو حکومت نے کہا کہ یہ سیاسی مسئلہ نہیں ہے یہ کسانوں کا مسئلہ ہے۔ لیکن اگر سماج وادی کسانوں کے ساتھ کھڑے نہیں ہوں گے تو پھر کون کھڑا ہوگا۔ انہوں نے اعلان کیا کہ سماج وادی پارٹی ہر حال میں کسانوں کا ساتھ دے گی۔
Published: undefined
کورونا ویکیسن کے ضمن میں ایک بار پھر بی جے پی کی تنقید کرتے ہوئے اکھلیش یادو نے کہا کہ کووڈ ویکسین کے سلسلے میں ہمیں ملک کے سائنسدانوں اور ڈاکٹروں پر پورا بھروسہ ہے لیکن بی جے پی حکومت پر بالکل بھی اعتماد نہیں ہے۔ حکومت پہلے اس بات کا یقین دلائے کہ گاؤں میں اورغریبوں کو ویکسین کب تک ملے گی اور اس کی نوعیت کیا ہوگی کیا یا مفت ہوگی یا نہیں؟
Published: undefined
اس سے قبل ایس پی سربراہ نے مرحوم پارس ناتھ یادو کی مورتی پر گلپوشی کرتے ہوئے کہا کہ پارس ناتھ یادو نے مخالف حالات میں بھی حوصلہ نہیں کھویا اور نہ ہی گھبرائے۔ وہ ہمتی اور نڈر لیڈر تھے۔ اس دوران انہوں نے ان کی موت سے خالی ہوئی ملہنی سیٹ پر ضمنی انتخاب میں دوبارہ جیت ملنے پر رائے دہندگان کا شکریہ ادا کیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز