سماج وادی پارٹی(ایس پی) کے سربراہ و سابق وزیر اعلی اکھلیش یادو نے کہا کہ بھارتیہ جنتا پارٹی(بی جے پی) ملک کو تقسیم کرنا چاہتی ہے لیکن سماج واد میں یقین رکھنے والے ایسا نہیں ہونے دیں گے۔
Published: undefined
بدھ کو ایس پی لیڈر نے میڈیا نمائندوں سے بات چیت میں کہا کہ بی جے پی کے بڑے بڑے لیڈر رام کا نعرہ لگاتے ہیں لیکن اپنی زبان پر کوئی قابو نہیں رکھتے۔انکی پارٹی این آر سی اور سی اے اے کی مخالفت کرنا بند نہیں کرسکتی کیونکہ بی جے پی ملک کو تقسیم کرنا چاہتے ہیں۔ ہمارے لئے سبھی مذاہب،ذات و طبقات برابر ہیں ۔
Published: undefined
ریاست میں عصمت دری،قتل و غارت گری کےبڑھتے واقعات پراپنی تشویش کا اظہار کرتے کہا کہ ملک میں ترقی کے نام پر ریاست کی حکومت پوری طرح سے ناکام ہے۔انہوں نے مرکزی حکومت پرملکی معیشت کو تباہ کرنے کا الزام لگاتے ہوئے کہا کہ ملک میں نوٹ بندی سے لے کر جی ایس ٹی نے کاروباریوں کی ریڑھ توڑ دی ہے۔
Published: undefined
سی اے اے پر سوال اٹھاتے ہوئے مسٹر یادو نے کہا کہ بی جے پی عوام کو گمراہ اور اصلی مسائل سے توجہ ہٹانے کی سیاست کررہی ہے۔انہوں نے کہا کہ بی جے پی حکومت’’ایونٹ منیجمنٹ کمیٹی‘‘ بن گئی جس نے اب’’گنگا یاترا‘‘ کا نیا ’ایونٹ‘ ایجاد کرلیا ہے۔’’ گنگا تو میلی کی میلی ہی ہے‘‘۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم