نئی دہلی: عام آدمی پارٹی (عآپ) کے راجیہ سبھا رکن سنجے سنگھ نے کہا ہے کہ آج پوری طرح سے یہ ثابت ہوگیا ہے کہ بھارتیہ جنتاپارٹی (بی جے پی) صرف اور صرف امیروں کی پارٹی ہے اور غریبوں اور مزدوروں سے ان کا کوئی سروکار نہیں ہے اس لئے انہیں سڑکوں پر مرنے کے چھوڑ دیا گیا ہے۔
Published: 18 May 2020, 6:50 PM IST
سنجے سنگھ نے پیر کو ایک بیان جاری کرکے کہا ہے کہ آج ملک میں حالات اتنے خطرناک ہیں کہ چھوٹے چھوٹے معصوم بچے بھوکے پیاسے سڑکوں پر چل رہے ہیں۔ پیدل چل چل کر بچوں اور بزرگوں کے پیروں میں چھالے پڑ گئے ہیں۔ چھوٹے چھوٹے بچے تھک کر چور ہوکر سوٹ کیس پر سورہے ہیں اور ان کی ماں سوٹ کیس گھسیٹتے ہوئے سڑکوں پر چلی جارہی ہے۔
Published: 18 May 2020, 6:50 PM IST
سنجے سنگھ نے کہا کہ چاروں طرف اتنی بھیانک صورت حال ہے اور بی جے پی دھرتراشٹر کی طرح آنکھ پر پٹی باندھ کر بیٹھی ہوئی ہے۔ مرکز میں بیٹھی بی جے پی کی حکومت کو غریبوں، مزدوروں اور ملک کے آخری شخص کا درد نظر نہیں آرہا ہے۔ اس سے یہ صاف ہوجاتا ہے کہ بی جے پی صرف اور صرف امیروں کی پارٹی ہے، غریب عوام سے اس کو کوئی لینا دینا نہیں ہے۔
Published: 18 May 2020, 6:50 PM IST
انہوں نے کہا کہ آج ملک کے سامنے کورونا سے بھی بڑا مسئلہ غیر مقیم مزدوروں کا ہجرت کرنا ہے۔ آج لاکھوں مزدور اپنے گھر جانے کے لئے پریشان ہیں۔ بی جے پی بیرون ممالک سے جہازوں کے ذریعے لوگوں کو اپنے ملک میں لاسکتی ہے لیکن جب بات غریب مزدوروں کو اس کے گھر پہنچانے کی ہوتی ہے تو وہ ناٹک کرنے لگتی ہے۔
Published: 18 May 2020, 6:50 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 18 May 2020, 6:50 PM IST
تصویر: پریس ریلیز