بنگلورو جانے والی انڈیگو کی پرواز کو انجن میں آگ لگنے کے بعد دہلی ہوائی اڈے پر ٹیک آف کرنے سے روک دیا گیا۔ پرواز میں 177 مسافر اور عملے کے 7 ارکان سوار تھے۔ دہلی سے بنگلورو جانے والی انڈیگو کی پرواز کو جمعہ کے روز اس کے ایک انجن میں آگ لگنے کے بعد دہلی ہوائی اڈے پر روکنا پڑا۔ یہ طیارہ رن وے پر دوڑ چکا تھا اور اگلے چند سیکنڈ میں ٹیک آف کرنے والا تھا۔ عہدیداروں نے بتایا کہ دہلی سے بنگلورو جانے والی انڈیگو کی پرواز 6 ای 2131 نے اپنا ٹیک آف منسوخ کر دیا۔
Published: undefined
انڈیگو کے ترجمان نے کہا کہ "دہلی سے بنگلورو جانے والی پرواز 6 ای 2131 کے ٹیک آف کے دوران ایک تکنیکی مسئلہ پیش آ گیا، جس کے فوراً بعد پائلٹ نے ٹیک آف کو روک دیا۔" تمام مسافر اور عملہ محفوظ ہیں اور مسافروں کو بھیجنے کے لئے متبادل طیارے کا انتظام کیا گیا ہے۔
Published: undefined
ایئرلائن نے کہا کہ "ہم سبھی مسافروں کو ہونے والی تکلیف کے لیے معذرت خواہ ہیں۔" کچھ لوگوں نے اس واقعے کی ویڈیو پوسٹ کی۔ پرینکا کمار نام کے ٹوئٹر صارف نے واقعے کی ایک ویڈیو پوسٹ کی، جس میں صاف نطر آرہا کہ انجن میں آگ لگی ہوئی ہے اور چنگاریاں نکلتی دکھائی دے رہی تھیں۔ انہوں نے کہا، انڈیگو ای۔2131 طیارے کا دہلی رن وے پر ڈراؤنا تجربہ!
Published: undefined
ایک اہلکار نے بتایا کہ رات 10.08 بجے، آئی جی آئی اے کنٹرول روم کو سی آئی ایس ایف کنٹرول روم سے دہلی سے بنگلورو جانے والی پرواز نمبر ای۔2131 کے انجن میں آگ لگنے کے بارے میں کال موصول ہوئی۔ طیارے نے ٹیک آف کے لیے رن وے پر آنا شروع ہی کیا تھا۔ خبر موصول ہونے کے بعد اسے روک دیا گیا اور تمام مسافروں کو بحفاظت باہر نکال لیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا