الہ آباد: سابق ممبر پارلیمنٹ عتیق احمد کے مکان کو انتظامیہ کی کارروائی کے تحت منہدم کیے جانے پر ان کے قانونی مشیر نے اعتراض ظاہر کرتے ہوئے کارروائی کو غیرقانونی قرار دیا ہے۔ عتیق احمد کے قانونی مشیر سینئر ایڈوکیٹ خان صولت حنیف ایڈوکیٹ نے یو این آئی سے بات چیت کرتے ہوئے کہا کہ الہ آباد راج کے چکیا گاؤں میں واقع خاندانی مکان کو حکومت کے اشارے پر جس طرح تعصب کی بنیاد پر منہدم کر دیا گیا یہ پوری طرح غیر قانونی و غیر آئینی ہے۔
Published: undefined
ایڈوکیٹ نے کہا کہ سابق ایم پی عتیق احمد کے 70 سال پرانے پشتینی مکان کو حکومت کے اشارے پر تعصب کی بنیاد پر بغیر کسی نوٹس کے غیر قانونی طریقے سے انتظامیہ نے منہدم کرکے ان کے اہل خانہ کو سڑک پر لا کر کھڑا کر دیا ہے، یہاں تک کہ مکان کے اندر سے سامان تک نکالنے نہیں دیا گیا۔ انتظامیہ نے انسانیت کو بالائے طاق رکھ کر جو کارروائی کی ہے اس سے صاف ظاہر ہے کہ حکومت کا ہدف صرف مکان کو منہدم کرانا تھا۔
Published: undefined
صولت نے کہا کہ مکان کو منہدم کرنے سے قبل قانون کے بموجب دفعہ 27 کا نوٹس دینا ضروری ہے، یہاں تو بغیر نوٹس دیئے جبراً مکان کو غیر قانونی طریقے سے منہدم کر دیا گیا۔ جبکہ انہدام سے متعلقہ ایک عرضی بھی ہائی کورٹ میں سماعت کے لئے زیر التوا میں ہے۔ منہدم سے قبل نوٹس کے بعد پندرہ روز کا وقت دیا جانا چاہیے تھا، لیکن چوں کہ حکومت کے دباوُ کے سبب انتظامیہ نے بغیر وقت دیئے اچانک مکان پر بلڈوزر چلوا کر منہدم کروا دیا، جبکہ سامان تک نکالنے کا وقت نہیں دیا گیا۔ انہوں نے کہا کہ ہم حکومت اور انتظامیہ کے خلاف عدالت کا دروازہ کھٹکھٹائیں گے، پوری امید ہے کہ عدالت سے انصاف ملے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined