ترواننت پورم: سابق مرکزی وزیر اور تجربہ کار سیاست دان عارف محمد خان نے جمعہ کے روز کیرالہ کے 24 ویں گورنر کے طور پر حلف لے لیا۔ کیرالہ ہائی کورٹ کے چیف جسٹس رشی کیش رائے نے انہیں راج بھون میں عہدے اور راز داری کا حلف دلایا ۔
Published: undefined
خاص بات یہ ہے کہ عارف محمد خان نے ملیالی زبان میں حلف لیا۔ اس موقع پر وزیر اعلی پنرائی وجین، ان کے وزرا کونسل کے معاونین اور دیگر بالائی افسران بھی موجود تھے۔ قبل ازیں 68 سالہ عارف محمد خان کو ایئر پورٹ پہنچنے پر گارڈ آف آنر پیش کیا گیا ۔
Published: undefined
شہر میں موجود نہ ہونے کی وجہ سے وجین ایئر پورٹ پر نئے گورنر کے استقبال کے لئے نہیں جا سکے، حالانکہ انہوں نے بعد میں انہیں اپنی رہائش گاہ پر کھانے پر مدعو کیا۔
Published: undefined
عارف محمد خان سے پہلے سابق چیف جسٹس پی سدا شیوم کیرالہ کے گونر کے عہدے پر فائش تھے۔ ان کی مد کار کے 5 سال مکمل ہونے پر عارف محمد کو اس عہدے پر مقرر کیا گیا ہے۔
Published: undefined
بنیادی طور پر اتر پردیش کے رہائشی عارف محمد خان نے 26 سال کی عمر میں طلبا لیڈر کے طور پر سیاست میں انٹری لی تھی۔ وہ اتر پردیش اسبلی اور لوک سبھا کے رکن رہ چکے ہیں اور سابق وزیر اعلیٰ راجیو گاندھی اور وی پی سنگھ کی وزرا کونسل میں مرکزی وزیر کی حیثیت سے کام کر چکے ہیں۔
Published: undefined
اپنے سیاسی سفر کے دوران عارف محمد خان کئی سیاسی جماعتوں کا حصہ رہے۔ شروعات انہوں نے سابق وزیر اعظم چرن سنگھ کی پارٹی ’بھارتیہ کرانتی دل‘ سے کی تھی اس کے بعد وہ کانگریس، جنتا دلہ اور بی جے پی کے بھی رکن رل چکے ہیں۔ سال 2004 میں وہ بی جے پی میں شامل ہوئے تھے لیکن تین سال بعد ہی انہوں نے پارٹی سے استعفی دے دیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined