راج بھون کو کنٹرول کرنے کی کوشش نہ کریں: عارف محمد

کیرالا کے گورنر عارف محمد خان نے وزیر اعلیٰ پنارائی وجین کے ساتھ تنازعات کے تناظر میں کہا ہے کہ سرکاری سکریٹری کو راج بھون کو کنٹرول کرنے کا کوئی حق نہیں ہے۔مسٹر خان نے ہفتہ کو نامہ نگاروں سے کہا کہ کسی بھی ریاستی افسر کو راج بھون کے معاملوں کو کنٹرول کرنے کا حق نہیں ہے۔

کمیونسٹ پارٹی آف انڈیا-مارکسسٹ (سی پی آئی-ایم) کی قیادت والی لیفٹ ڈیموکریٹک فرنٹ (ایل ڈی ایف) حکومت کو خبردار کرتے ہوئے گورنر نے کہا کہ راج بھون کے معاملوں میں مداخلت کی کوئی بھی کوشش آئینی بحران کا باعث بن سکتی ہے۔ انہوں نے کہا،’ میں صرف ملک کے صدر کو جوابدہ ہوں‘۔

مسٹر خان نے ایک بار پھر ریاستی وزراء کے ذاتی ملازمین سے متعلق متنازعہ مسئلے کو اٹھاتے ہوئے کہا کہ انہوں نے اپنی پچھلی ملاقات کے دوران وزیر اعلیٰ کے ساتھ یہ مسئلہ اٹھایا تھا۔

گورنر نے کہا کہ اس غیر اخلاقی عمل کو ختم کیا جانا چاہئے اور اسی کے لیے وزیر اعلیٰ سے اسے حکومت کے پالیسی جاتی ترمیم میں شامل کے لیے کہا گیا تھا حالانکہ انہوں نے (وزیر اعلیٰ) اس معاملے پر بعد میں بات کرنے کی یقین دہانی کروائی تھی۔

انہوں نے کہا کہ کیرالا کے وزراء کے ذاتی ملازم ہر دو سال میں بدل دیے جاتے ہیں۔ بعد میں یہ پارٹی کے لیے کام کرتے ہیں۔ یہ غیر آئینی روایت عوام کے پیسےسےپارٹی کیڈر تیار کرنے کے لیے ہے۔