ذرائع کے مطابق کل آدھی رات کے قریب اسکوٹی پر دو شخص آئے اور انہوں نے جامعہ میں فائرنگ کی، وہاں موجود لوگوں کے مطابق لال رنگ کی اسکوٹی پر آئے ان لوگوں نے ہوا میں فائرنگ کی اور بھاگ گئے، بھیڑ نے ان کی اسکوٹی کا نمبر نوٹ کر لیا اور پولیس میں ایف آئی آر درج کرا دی ہے۔ یہ واقعہ جامعہ کے گیٹ نمبر 5 اور گیٹ نمبر 7 کے درمیان پیش آیا ۔ واضح رہے جامعہ میں گیٹ نمر 7 کے باہر طلباء اوردیگر لوگ شہریت ترمیمی قانون اور جامعہ میں ہوئی پولیس فائرنگ کے خلاف مظاہرہ کر رہے ہیں۔
Published: 03 Feb 2020, 7:45 AM IST
واضح رہے تین روز قبل بھی گریٹر نویئڈا میں جیور کے رہنے والے ایک نوجوان نے گولی چلائی تھی جس کو پولیس نےگرفتار کر لیا تھا۔ اس کے بعد شاہین باغ میں بھی کمل گوجر نام کے ایک شخص نے مظاہرہ گاہ کے پیچھے فائرنگ کی تھی اور پولیس نے اس کو بھی گرفتار کر لیا تھا ۔ ہفتہ کو ہی دہلی کی جامع مسجد میں بھی بھیڑ نے دو لوگوں کو مشتبہ حالت میں پکڑا تھا جن کو پولیس کے حوالہ کر دیا گیا تھا۔
Published: 03 Feb 2020, 7:45 AM IST
دہلی کے شاہین باغ علاقہ میں خواتین شہریت ترمیمی قانون کے خلاف گزشتہ 50 روز سے رات دن احتجاج پر بیٹھی ہوئی ہیں۔ یہ مظاہرہ نہ صرف عالمی شہرت حاصل کر چکا ہے بلکہ ملک کے کئی حصوں میں شاہین باغ بن چکے ہیں جہاں خواتین مظاہرہ کر رہی ہیں ۔ دہلی اسمبلی انتخابات میں بی جے پی نے اس کو مرکزی انتخابی مدا بھی بنا لیا ہے۔
Published: 03 Feb 2020, 7:45 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 03 Feb 2020, 7:45 AM IST
تصویر: محمد تسلیم