آٹھ شادیاں کرنے والی لٹیری دلہن گرفتار

شادی کے نام پر فراڈ کرنے والی انتہائی چالاک خاتون سمیرا فاطمہ بالآخر گٹی کھدان پولیس کے ہاتھوں پکڑی گئی ہے۔ یہ مبینہ ’لٹیری دلہن'، جو گزشتہ ڈیڑھ سال سے مفرور ہے، ناگپور کے مختلف علاقوں میں رہنے والے کم از کم 8 شادی شدہ مردوں کو شادی کا جھانسہ دے چکی ہے۔

پولیس کے مطابق سمیرا جو کہ اعلیٰ تعلیم یافتہ اور اسکول ٹیچر تھی، سوشل میڈیا کے ذریعہ شادی شدہ مردوں کو اپنی محبت کے جال میں پھنساتی تھی۔ وہ خود کو یہ کہہ کر ہمدردی حاصل کرتی تھی کہ وہ طلاق یافتہ ہے اور کہتی تھی، 'میرا ساتھ دو، میں دوسری بیوی بن کر رہوں گی'۔ اس بہانے وہ مردوں سے شادی کر لیتی اور ایک ماہ میں جھگڑا کرتی اور بلیک میل کرنا شروع کر دیتی۔

وہ کورٹ کیس اور تصفیہ کے نام پر لاکھوں روپے بٹورتی تھی۔ درحقیقت، غلام پٹھان (شوہر) نے مارچ 2023 میں اس کے خلاف شکایت درج کرائی تھی۔ اس کا الزام ہے کہ 2010 سے سمیرا نے 8 شادیاں کیں اور تقریباً 50 لاکھ روپے بھتہ وصول کیا۔ پولیس کے پاس 10 لاکھ روپے کے فراڈ کے ٹھوس شواہد موجود ہیں۔

جھوٹے الزامات لگا کر ڈرا دھمکاتا تھا اور تصفیہ کے نام پر بھاری رقم بٹورتا تھی۔ پولیس سمیرا کی تلاش میں مارے مارے پھرتی رہی لیکن آخر کار سول لائنز کے علاقے میں ایک چائےکے اسٹال پر چائے پینے آئی اور اس کو وہیں سے پکڑ لیا ۔ پولیس نے اسے فوری طور پر گرفتار کر لیا ۔ اس کی پولیس حراست جمعہ کو ختم ہو رہی ہے۔گٹی کھدان پولیس اب اس کے پرانے مقدمات کی تفتیش کر رہی ہے۔ کئی مرد بھی سامنے آئے اور کہا کہ انہوں نے شکایتیں درج کرائی ہیں۔ پولیس کو شبہ ہے کہ اس نے مزید کئی لوگوں کو اپنا شکار بنایا ہے۔ (بشکریہ نیوز پورٹل ’آج تک‘)