اجمیر شریف: درگاہ کھلنے پر چادر چڑھانے کی اجازت نہ دینے پر خادموں نے ظاہر کی ناراضگی

اجمیر: راجستھان میں پیر سے اجمیر واقع صوفی خواجہ معین الدین حسن چشتی کی درگاہ کھلنے پر پھولوں کی چادر پیش کئے جانے کی اجازت نہ دینے پر خادموں نے سخت مخالفت کی ہے۔

اجمیر درگاہ شریف کی خادموں کی انجمن اور درگاہ دیوان کے نمائندوں نے حکومت کے فیصلے پر غصہ ظاہر کرتے ہوئے گائڈ لائن پر دوبارہ گور کرنے کی مانگ کی ہے اور کہا کہ درگاہ کھول رہے ہیں تو پوری طرح کھولیں۔ عقیدت مند آئیں اور مزار شریف پر پھولوں کی چادر پیش نہ کریں تو اس کی دعا اور مذہبی سفر مکمل نہ ہوگا۔

انجمن کے سکریٹری واحد حسین انگارہ نے درگاہ کھولنے اور چادر اور پھول چڑھانے پر روک کو بے معنی قرار دیتے ہوئے کہا کہ درگاہ دکانوں کے کھولے جانے کے وقت تک کھولی جانی چاہیے اور درگاہ شریف میں چادر اور پھلو لے جانے اور اسے چڑھانے کی اجازت ملنی چاہیے۔ درگاہ کے دیوان زین العابدین کے نمائندے سید نصیر الدین نے بھی اسے عقیدت کا سوال بتاتے ہوئے اجازت طلب کی ہے۔

واضح رہے کہ سنیچر کی رات ان لاک 3 کی گائڈ لائن جاری ہونے کے بعد دیر رات اجمیر میں خادموں کی ایک ہنگامی میٹنگ طلب کی گئی جہاں سبھی نے بہ یک آواز یہ کہا کہ درگاہ کھولی ہے تو پھولوں کی چادر کی اجازت دی جانی چاہیے۔