نئی دہلی: ملک کی راجدھانی میں ایک حیران کن واقعہ پیش آیا۔ پارلیمنٹ ہاؤس کی سیکورٹی میں تعینات دہلی پولیس کی ایک خاتون اہلکار نے جمعرات کو پھانسی لگا کر خودکشی کر لی۔ پولیس نے معاملے کی اطلاع دی۔ ایک سینئر پولیس افسر نے بتایا کہ متوفی کی شناخت 28 سالہ گنگا بائی کے طور پر کی گئی ہے۔ ان کے شوہر دنیش بھی دہلی پولیس میں ہیں اور فی الحال سیکورٹی ونگ میں تعینات ہیں۔
Published: undefined
دوارکا کے چھاولہ علاقے میں ان کے گھر میں لٹکی ہوئی لاش کو پوسٹ مارٹم کے لیے قریبی سرکاری اسپتال لے جایا گیا۔ افسر نے بتایا کہ گنگا بائی کی شادی 3 سال قبل دنیش سے ہوئی تھی۔ اس شادی سے جوڑے کا ایک بچہ بھی ہے۔ اس نے واقعہ کے پیچھے کوئی خودکشی نوٹ نہیں چھوڑا ہے۔ اس کے یہ قدم اٹھانے کی وجہ معلوم نہیں ہوسکی ہے۔
Published: undefined
معلومات کے مطابق خاتون کئی چھٹیا لے چکی تھی۔ دہلی پولیس اس معاملے کی مجسٹریٹ جانچ کر رہی ہے۔ وہیں اس واقعے کے بعد ایسی باتیں بھی منظر عام پر آ رہی ہیں کہ ایک اعلیٰ رینک کا افسر خاتون افسر کو ہراساں کر رہا تھا۔ تاہم اس پر دہلی پولیس کا کہنا ہے کہ ابھی تک کسی کی طرف سے ایسا کوئی الزام نہیں لگایا گیا ہے۔ کیس کی تفتیش ہر زاویے سے جاری ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا