قومی خبریں

نیپال میں دردناک حادثہ، بس پلٹنے سے 12 افراد کی موت، مہلوکین میں 2 ہندوستانی بھی شامل

مسافر بس بانکہ واقع نیپال گنج سے کاٹھمنڈو جا رہی تھی جو اچانک ایک پل سے گزرتے ہوئے پھسل گئی اور راپتی ندی میں گر گئی، 12 مہلوکین میں سے 8 کی شناخت ہو چکی ہے جن میں 2 ہندوستانی بھی شامل ہیں۔

سڑک حادثہ / یو این آئی
سڑک حادثہ / یو این آئی 

نیپال کے ڈانگ ضلع میں ایک بڑا سڑک حادثہ پیش آیا ہے جس میں 12 افراد کی ہلاکت سے متعلق خبریں سامنے آ رہی ہیں۔ میڈیا رپورٹس کے مطابق ایک مسافر بس پلٹنے کی وجہ سے یہ اموات ہوئی ہیں اور حادثہ کی تصدیق پولیس نے بھی کر دی ہے۔ پولیس کا کہنا ہے کہ ڈانگ ضلع میں ہوئے بس حادثہ میں دو ہندوستانی شہری سمیت 12 افراد کی موت ہوئی ہے۔ یہ حادثہ بھالو بانگ میں جمعہ کی دیر شب پیش آیا۔ مہلوکین میں سے 8 کی شناخت ہو چکی ہے۔

Published: undefined

پولیس کے چیف انسپکٹر اُجول بہادر سنگھ نے کہا کہ ’’مسافر بس بانکہ کے نیپال گنج سے کاٹھمنڈو جا رہی تھی، لیکن یہ پل سے پھسل گئی اور راپتی ندی میں گر گئی۔ ہم نے صرف 8 مہلوکین کی شناخت کی ہے جن میں دو ہندوستانی بھی شامل ہیں۔‘‘ پولیس نے مزید بتایا کہ ہلاک ہونے والے ہندوستانی باشندوں کی شناخت 31 سالہ منے اور 67 سالہ یوگیندر رام کی شکل میں ہوئی۔ اس بس حادثہ میں 22 دیگر مسافر زخمی بھی ہوئے ہیں۔

Published: undefined

میڈیا رپورٹس کے مطابق مہلوکین کی لاشوں کو پوسٹ مارٹم کے لیے لمہی اسپتال لے جایا گیا ہے۔ پولیس ڈپٹی انسپکٹر سندر تیواری نے بتایا کہ سبھی زخمیوں کو علاج کے لیے کوہلپور کے نیپال گنج میڈیکل ٹیچنگ اسپتال میں داخل کرایا گیا ہے۔ پولیس کا کہنا ہے کہ حادثے کی وجہ معلوم نہیں ہو سکی ہے۔ 28 سالہ بس ڈرائیور لال بہادر نیپالی کو پوچھ تاچھ کے لیے حراست میں لیا گیا ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined