مہاراشٹر کے ٹھانے میں ایک دہشت ناک حادثہ کی خبر سامنے آئی ہے۔ ٹھانے کے امبرناتھ میں کیمیکل ویپر لیک ہونے کے بعد کم از کم 34 لوگوں کی طبیعت خراب ہو گئی ہے۔ موصولہ اطلاعات کے مطابق کئی لوگوں کو سانس لینے کی دقت سمیت کئی پریشانیاں ہونے کے بعد اسپتال میں داخل کرایا گیا ہے۔
Published: undefined
ٹھانے میونسپل کارپوریشن کے مقامی ڈیزاسٹر مینجمنٹ سیل چیف سنتوش کدم نے بتایا کہ منگل کی صبح تقریباً 10 بجے سلفیورک ایسڈ لیک ہو گیا تھا۔ گیس لیک ہونے کے بعد فیکٹری کے آس پاس رہنے والے لوگوں کو سانس لینے میں دقت، آنکھوں میں جلن، جی مچلانا سمیت دیگر صحت سے متعلق مسائل پیدا ہونے لگے۔ انھوں نے کہا کہ سبھی کا علاج اسپتال میں چل رہا ہے اور وہ خطرے سے باہر ہیں۔ کیمیکل لیک ہونے کی جانکاری ملنے پر مقامی پولیس اور دمکل اہلکار موقع پر پہنچ گئے تھے اور لیکیج کو بند کر دیا۔ یہ حادثہ کیوں ہوا، اس کا پتہ لگانے کی کوشش کی جا رہی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز