امراوتی: آندھرا پردیش کے ضلع اننت پور میں پکوان گیس سلنڈر کے پھٹنے کے نتیجہ میں چار افراد ہلاک اور دیگر دو شدید طور پر جھلس گئے۔ ضلع کے مولاکالیڈو علاقہ کے ایک مکان میں یہ واقعہ پیش آیا۔ گیس سلنڈر کے پھٹنے سے متصل مکان کی چھت گر گئی۔ اس واقعہ میں پڑوس کے مکان کے چار افراد ہلاک ہو گئے، جبکہ سلنڈر جس مکان میں پھٹا اس مکان میں رہنے والے دو افراد شدید طور پر جھلس گئے۔
Published: undefined
پولیس نے بتایا کہ رزاق نامی شخص کے مکان میں آج صبح تقریباً 5 بجے گیس سلنڈر پھٹ گیا، جس میں رزاق کے ساتھ ساتھ ان کا بیٹا عبدل شدید زخمی ہو گیا۔ سلنڈر پھٹنے کی شدت کے نتیجہ میں پڑوس کے مکان کی چھت گر گئی جس کے سبب اس مکان میں محو خواب چار افراد ہلاک ہو گئے۔
Published: undefined
اطلاع ملتے ہی پولیس وہاں پہنچی جس نے مقامی افراد کے ساتھ مل کر راحت کے کام کا آغاز کیا اور مکان کے ملبہ میں پھنسی لاشوں کو نکالنے کے بعد پوسٹ مارٹم کے لئے بھیج دیا گیا۔ جبکہ جھلسے ہوئے افراد کو علاج کے لئے اسپتال منتقل کر دیا گیا۔ بعد ازاں ان کو بہتر علاج کے لئے اننت پور کے دوسرے اسپتال منتقل کیا گیا۔
Published: undefined
پولیس نے اس خصوص میں ایک معاملہ درج کر کے جانچ شروع کر دی۔ اطلاعات کے مطابق زخمیوں کی حالت تشویشناک ہے۔ مہلوکین کی شناخت 6 سالہ فردوس، 60 سالہ زینب، 35 سالہ دادٔو اور 30 سالہ شرفو کے طورپر کی گئی ہے۔ اس واقعہ کے نتیجہ میں گاوں میں غم کی لہر دوڑ گئی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز