ہندوستانی ٹیم کے دورہ آسٹریلیا کا اعلان ہونے کے بعد سے ہی ممبئی انڈینز کے بلے باز سوریا کمار یادو زیر بحث ہیں۔ رائل چیلنجرز بنگلور کے خلاف ناقابل شکست 79 رنز کی اننگ کھیلنے والے سوریہ کمار کو ہندوستانی کرکٹ ٹیم میں شامل نہیں کیا گیا ہے، جس کی وجہ سے سلیکٹرز کو تنقید کا نشانہ بنایا جا رہا ہے۔
Published: undefined
دراصل، سوریہ کمار گذشتہ تین سالوں سے مسلسل آئی پی ایل میں ممبئی انڈینز کے لئے اچھا کھیل رہے ہیں۔ اس کے ساتھ ہی گھریلو کرکٹ میں بھی ان کی کارکردگی اچھی رہی ہے، اس کے باوجود انہیں ٹیم انڈیا کے لئے نہیں بلایا گیا ہے۔ اس معاملہ پر کئی سابق کرکٹرز نے بھی سوالات اٹھائے ہیں۔
Published: undefined
شائقین اور سابق کرکٹرز اب سوریہ کمار کی تعریف کر رہے ہیں اور ٹیم انڈیا میں انھیں کھلانے کی وکالت کر رہے ہیں لیکن ہندوستانی ٹیم کے اوپنر روہت شرما نے ان کی 2011 میں ہی اسٹار بننے کی پیش گوئی کر دی تھی۔ روہت کا ایک 9 سال پرانا ٹویٹ تیزی سے وائرل ہو رہا ہے۔ اس ٹویٹ میں روہت نے سوریہ کمار یادو کی تعریف کی تھی اور انہیں مستقبل کا ستارہ بتایا تھا۔ روہت نے یہ ٹویٹ بی سی سی آئی ایوارڈ ختم ہونے کے بعد چنئی میں کیا تھا۔
روہت نے اپنے ٹویٹ میں لکھا ، "بی سی سی آئی ایوارڈ ابھی چنئی میں ختم ہوا ہے۔ کچھ عظیم کھلاڑی آنے والے ہیں۔ آپ مستقبل میں ممبئی کے سوریہ کمار یادو کو دیکھیں گے۔"
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined