کولکتہ نائٹ رائیڈرز نے گجرات ٹائٹنز کو شکست دی، پلے آف میں کھیلنے کی امیدیں زندہ رکھیں

کولکتہ نائٹ رائیڈرز نے گجرات ٹائٹنز کو 29 رنز سے شکست دے دی۔ اس جیت کے ساتھ کولکتہ نے پلے آف کی اپنی امیدیں زندہ رکھیں۔ کے کے آریعنی کولکتہ نائٹ رائڈرزنےفن ایلن، انگکرش رگھونشی اور کیمرون گرین کی نصف سنچریوں کی بدولت ایک بڑی جیت درج کرنے میں کامیاب رہی۔ گجرات ٹائٹنز کی جانب سے تین بلے بازوں نے نصف سنچریاں بھی اسکور کیں۔ سائی سدرشن، جوس بٹلر، اور شبھمن گل کی نصف سنچریاں گجرات کو فتح سے ہمکنار کرنے میں ناکام رہیں۔

گجرات ٹائٹنز نے لگاتار پانچ میچ جیتے تھے اور پوائنٹس ٹیبل میں ٹاپ 2 کی طرف بڑھ رہی تھی۔ لیکن کولکتہ کی جیت نے جیت کے سلسلے کو آگے بڑھاتے ہوئے شبھمن گل اور اس کی فوج کو شکست دی ہے۔ ایڈن گارڈنز، کولکتہ میں کھیلے گئے اس میچ میں پہلے بیٹنگ کرتے ہوئے 247 رنز بنائے۔ یہ آئی پی ایل کی تاریخ میں کے کے آر کا تیسرا سب سے زیادہ اسکور  تھا۔

بڑے ہدف کا تعاقب کرتے ہوئے گجرات نے اچھی شروعات کی۔ گجرات نے تین اوور میں 42 رنز بنائے تھے جب سائی سدرشن چوٹ کی وجہ سے میدان سے باہر چلے گئے۔ سدرشن کے جانے سے بیٹنگ کی رفتار متزلزل ہو گئی اور گجرات کے بلے باز اگلے پانچ اوورز میں صرف 32 رنز ہی جوڑ سکے۔ یہ میچ کا ٹرننگ پوائنٹ ثابت ہوا۔

اس میچ میں مجموعی طور پر 465 رنز بنائے گئے اور چھ مختلف بلے بازوں نے نصف سنچریاں اسکور کیں۔ کولکتہ کی جانب سے فن ایلن (93 رنز)، انگکرش رگھوونشی (82 رنز) اور کیمرون گرین (52 رنز) نے نصف سنچریاں اسکور کیں۔ گجرات کی جانب سے شبھمن گل (85 رنز)، سائی سدرشن (53 رنز) اور جوس بٹلر (57 رنز) نے نصف سنچریاں اسکور کیں۔ غور طلب ہے کہ سدرشن پہلے ہی آئی پی ایل 2026 میں لگاتار چار نصف سنچریاں بنا چکے ہیں۔