آئی پی ایل

ممبئی نے چنئی کو آئی پی ایل سے کیا باہر

یہ کم اسکور والا میچ ضرور تھا، لیکن دلچسپ بڑے اسکوروالے میچ کی طرح تھا ۔ گیند بہت زیادہ سوئنگ کر رہی تھی جس کی وجہ سےمیچ میں دلچسپی رہی۔

تصویر آئی اے این ایس
تصویر آئی اے این ایس 

پلے آف کی دوڑ سے باہر ہو چکے ممبئی انڈینس نے اپنے گیند بازوں کی بہترین کار کردگی سے چنئی سپر کنگز کو آئی پی ایل میچ میں پانچ وکٹوں سے شکست دے کر ٹورنامنٹ سے باہر کر دیا۔ ممبئی نے چنئی کو 16 اوور میں صرف 97 رن پر آؤٹ کردیا اور پھر 14.5 اوور میں پانچ وکٹ پر 103 رن بنا کر جیت حاصل کر لی ۔

Published: undefined

ممبئی کی طرف سے ڈینیئل سیمس نے 16 رن دے کر تین وکٹیں حاصل کیں جبکہ ریلی میریڈیتھ اور کمار کارتیکیا نے دو دو وکٹیں حاصل کیں۔ جسپریت بمراہ اور رمندیپ سنگھ نے ایک ایک وکٹ حاصل کی۔ ڈینیئل سیمس پلیئر آف دی میچ رہے۔

Published: undefined

چنئی کے کپتان مہندر سنگھ دھونی نے 33 گیندوں پر چار چوکوں اور دو چھکوں کی مدد سے ناٹ آؤٹ 36 رن بنائے۔ ڈیوین براوو نے 12 اور شیوم دوبے اور امباتی رائیڈو نے 10، 10 رن بنائے ۔ پہلے ہی اوور میں دو وکٹیں گرنے کے بعد چنئی کی ٹیم میچ میں واپس نہیں آ سکی۔ رابن اتھپا دوسرے اوور میں تیسرے بلے باز کے طور پر پویلین لوٹ گئے ۔ دھونی اور براوو نے ساتویں وکٹ کے لیے 39 رن کی شراکت داری کی ۔ دھونی 16ویں اوور کی آخری گیند پر رن کے لیے بھاگے جبکہ وکٹ کیپر ایشان کشن نے مکیش چودھری کو سیدھے تھرو سے آؤٹ کیا ۔

Published: undefined

اگرچہ یہ کم اسکور والا میچ تھا، لیکن دلچسپ بڑے اسکوروالے میچ کی طرح تھا ۔ گیند بہت زیادہ سوئنگ کر رہی تھی۔ پہلی اننگز ختم ہونے کے بعد ایسا لگ رہا تھا کہ یہ میچ بھی جلد ختم ہوجائے گا لیکن ایسا نہیں ہوا اور چنئی کے تیز گیند بازوں نے شاندار گیند بازی کی ۔ بائیں ہاتھ کے تیز گیند بازمکیش چودھری نے 23 رن دیکر تین وکٹیں حاصل کیں ۔ سمرجیت سنگھ اورمعین علی نے ایک ایک وکٹ حاصل کی ۔

Published: undefined

ممبئی کے لیے تلک ورما نے چار چوکوں کی مدد سے 32 گیندوں پر ناٹ آؤٹ 34 رن کی میچ جیتنے والی اننگز کھیلی ۔ ٹم ڈیوڈ نے سات گیندوں پر دو چھکوں کی مدد سے ناٹ آؤٹ 16 رن بنائے ۔ کپتان روہت شرما اور ہریتھک شوکین نے 18-18 رن بنائے ۔ ڈیوڈ نے معین علی کی گیند پرچھکا لگایا ۔

Published: undefined

چنئی کے کپتان دھونی نے جیت کا کریڈٹ ممبئی کی گیند بازی کو دیا ۔ دھونی نے میچ کے بعد کہا ’’مجھے لگا کہ 130 سے ​ کم کا کوئی بھی سکوراس پچ پر کم تھا ۔ میں نے اپنے گیند بازوں سے کہا کہ آپ میچ ہارنے یا جیتنے کے بارے میں نہ سوچیں اور اپنے طریقے سے گیند بازی کریں۔ ایسا نہیں ہے کہ ہمارے پاس بہترین تیز گیند بازوں کی بینچ اسٹرینتھ تھی۔ تاہم نوجوان گیند بازوں نے اچھی گیند بازی کی ‘‘۔

Published: undefined

انہیں تجربے کے ساتھ بہت کچھ سیکھنے کو مل رہا ہے ۔ بقیہ میچوں میں اگر یہ دونوں گیند باز اچھی کارکردگی کا مظاہرہ کرتے ہیں تو یہ اس سیزن کے لیے ہمارے مثبت پہلوؤں میں سے ایک ہوگا ۔ ہم چاہتے ہیں ٹیم میں جہاں بھی کمی ہے ، اس کو پورا کیا جائے ۔ آج ممبئی کے گیند بازوں نے اچھی گیند بازی کی ۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined