جنیوا: کورونا وائرس کی وبا سے پوری دنیا پریشان ہے اور لاکھوں لوگ اپنی جان گنوا چکے ہیں۔ پوری دنیا کے سائنسدان وائرس سے لڑنے کے لئے ویکسین کے لئے تحقیق میں مصروف ہیں اور امید کی جا رہی ہے کہ ویکسین متعارف کرائے جانے کے بعد لوگوں کی جان بچائی جا سکے گی۔ تاہم عالمی ادارہ صحت نے کہا ہے کہ صرف ویکسین کورونا کو ختم نہیں کر سکتی اور لوگوں کو اس کے بعد بھی محتاط رہنا ہوگا۔
Published: undefined
میڈیا رپورٹ کے مطابق عالمی ادارہ صحت کے سربراہ ڈاکٹر ٹیڈروس ایڈہانوم نے خبردار کیا ہے کہ عالمی وبا قرار دیے جانے والے کووڈ 19 سے بچاؤ کے لیے صرف ویکسین کافی نہیں ہوگی۔ خیال رہے کہ کورونا وائرس سے اب تک پوری دنیا میں پانچ کروڑ 44 ہزار سے زائد افراد متاثر ہو چکے ہیں جب کہ 13 لاکھ 18 ہزار سے زائد افراد نے داعی اجل کو لبیک کہا ہے۔
Published: undefined
عالمی خبر رساں ایجنسی کے مطابق عالمی ادارہ صحت کے سربراہ ڈاکٹر ٹیڈروس ایڈہانوم کا اس حوالے سے کہنا ہے کہ جب کورونا ویکسین دستیاب ہوگی تو ابتدا میں اس کی کم مقدار ملے گی جس کی وجہ سے پہلی ترجیح عمر رسیدہ افراد، ہیلتھ ورکرز اور کووڈ 19 سے متاثرہ مریض ہوں گے۔
Published: undefined
عالمی ادارہ صحت کے سربراہ نے تسلیم کیا کہ ویکسین کی دستیابی یقیناً کورونا سے ہونے والی اموات میں کمی کا سبب بنے گی لیکن یہ کافی نہیں ہوگا کیونکہ اس کے باوجود کورونا کے پھیلنے کے امکانات ہوں گے لہذا ہمیں پوری طرح احتیاط کرنا ہو گی، نگرانی رکھنا ہوگی اور ٹیسٹوں کے نظام کو مزید مؤثر کرنا ہوگا۔
Published: undefined
عالمی ادارہ صحت کے سربراہ کا اس سلسلے میں کہنا ہے کہ ہمیں متاثرین کورونا کو علیحدہ رکھنا ہو گا اور ایسے افراد کی بھی دیکھ بھال کرنا ہو گی جو کورونا متاثرین سے کسی بھی مرحلے پر ملے ہوں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined