ویکسین معاہدہ کی خلاف ورزی: یوروپی یونین نے کی ایسٹرا زینکا ویکسین کے خلاف قانونی کارروائی

بروسیلز: یوروپی یونین نے دوا ساز کمپنی ایسٹرا زینکا کے خلاف کورونا وائرس ویکسین کے معاہدے کو پورا نہ کرنے کے الزام میں قانونی کارروائی کا آغاز کیا ہے۔ یوروپی کمیشن کے ترجمان نے گزشتہ روز یہ طلاع دی۔ یوروپی کمیشن کے انتظامی ادارہ کے ترجمان اسٹیفن ڈی کیئرسمیکر نے کہا بروسیلز نے خریداری کے معاہدے کی خلاف ورزی پر ایسٹرازینکا کے خلاف جمعہ کو قانونی کارروائی کی ہے۔

یورپی یونین میں ایسٹرا زینکا کووڈ- 19 ویکسین کے ان چار ٹیکوں میں سے ایک ہے جو استعمال کے لئے منظور کی گئی ہے۔ اس ویکسین کو ویکسینیشن مہم کے لئے وسیع پیمانے پر ریڑھ کی ہڈی سمجھا جاتا ہے۔ تاہم، جلد ہی یہ بات واضح ہوگئی کہ کمپنی یوروپی کمیشن کے ساتھ طے شدہ ایڈوانسڈ خریداری معاہدے کی شرائط پر عمل کرنے کے قابل نہیں ہے اور کمپنی معاہدے کے مطابق ویکسین کی مناسب مقدار فراہم کرنے میں مکمل طور پر ناکام ہوچکی ہے۔

کمیشن نے بار بار متنبہ کیا کہ اس طرح کی تاخیر قابل قبول نہیں ہے اور یہاں تک کہ جنوری میں یوروپی یونین میں تیار کی جانے والی ویکسین کی کھیپ کے لئے ایک برآمدات شفافیت میکانزم بھی تشکیل دیا گیا ہے۔ یوروپی یونین سے باہر اپنے سپلیمنٹس کی برآمد ات پر پابندی لگانے والے حکومتی طریق کار کے تحت ایسٹرازینکا اس وقت واحد ویکسین پروڈیوسر ہے۔ ترجمان نے کہا ’’یہ ہمارے لئے اہمیت رکھتا ہے کہ ہم یہ یقینی بنانا چاہتے ہیں کہ یوروپی شہریوں کے لئے مناسب مقدار میں ویکسین کی جلد فراہمی ہو اور اس وعدے کو معاہدے کے مطابق پورا کیا جانا چاہیے‘‘۔