ترکی کی راجدھانی استنبول میں بدھ کے روز ایک طیارہ رَنوے پر پھسل کر حادثہ کا شکار ہو گیا۔ خراب موسم کی وجہ سے طیارہ رَنوے پر اتنی بری طرح پھسلا کہ اس کے تین ٹکڑے ہو گئے۔ اس طیارہ میں 177 لوگ سفر کر رہے تھے۔ حادثہ میں کسی کے ہلاک ہونے کی خبر نہیں ہے لیکن 120 مسافر زخمی ضرور ہوئے ہیں۔
Published: undefined
یہ طیارہ ازمیر سٹی کے استنبول میں صبیحہ گوکین ائیر پورٹ آ رہا تھا۔ جب طیارہ لینڈ کر رہا تھا، اس وقت موسم بہت خراب تھا۔ اس وجہ سے طیارہ حادثہ کا شکار ہو گیا۔ اس کے بعد طیارہ میں آگ لگ گئی۔ کسی طرح آگ پر قابو پایا گیا۔
Published: undefined
ترکی ٹیلی ویژن پر دکھائی گئی تصویروں میں کئی لوگوں کو طیارہ میں ایک بڑے شگاف کے ذریعہ چڑھتے ہوئے اور طیارہ کے پیچھے کے پنکھوں میں سے ایک پر بھاگتے ہوئے دیکھا گیا۔ ترکی کے وزیر برائے ٹرانسپورٹیشن میہمت کاہت ترہان نے اس واقعہ کے تعلق سے کہا کہ حادثہ میں کسی کی جان نہیں گئی ہے۔ اس حادثے کے بعد زیادہ تر مسافر اپنے آپ طیارہ سے باہر نکل کر آ گئے۔ کچھ مسافر اس میں پھنسے تھے جنھیں وہاں تعینات افسران کی مدد سے باہر نکالا گیا۔
Published: undefined
این ڈی ٹی وی پر شائع خبر کے مطابق ترہان نے بتایا کہ طیارہ کافی بری طرح زمین پر لینڈ ہوا، اس وجہ سے وہ تین حصوں میں ٹوٹ گیا۔ جس وقت یہ حادثہ ہوا اس وقت ائیر پورٹ پر تیز ہوائیں چل رہی تھیں اور بارش بھی ہو رہی تھی۔ حادثے کے بعد کئی فائر فائٹرس اور ہیلتھ ورکرس کو وہاں بھیج دیا گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم