انقرہ: ترکی میں کورونا کی صورت حال تشویش ناک ہونے اور مریضوں میں تعداد میں اضافہ ہونے کے بعد حکومت نے ویک اینڈز پر کرفیو لگانے کا اعلان کر دیا ہے۔ ترکی کے صدر رجب طیب اردوآن نے منگل کے روز نئی پابندیوں کا اعلان کیا تاکہ کورونا کے پھیلاؤ کو روکا جا سکے۔
Published: undefined
کابینہ اجلاس کے بعد پابندیوں کا اعلان کرتے ہوئے ترک صدر طیب اردوآن کا کہنا تھا کہ ہم تشویشناک صورتحال سے گزر رہے ہیں، کورونا کے کیسز اور اموات کی تعداد خطرناک حد تک بڑھ گئی ہے۔ طیب اردوان نے کہا کہ اس ویک اینڈ سے رات 8 بجے سے صبح 10 بجے تک کرفیو کا نفاذ رہے گا۔
Published: undefined
نئی پابندیوں کے مطابق ریستران دکانیں اور شاپنگ اور ہیر سلون وغیرہ صبح 10 سے رات 8 بجے تک ہی کھولے جا سکیں گے۔ اس کے علاوہ کیفے اور ریستوران صرف ڈلیوری سروسز کو انجام دیں گے، جبکہ اسکولوں میں آن لائن تعلیم سال کے آخر تک جا ری رہے گی۔
Published: undefined
صدر اردوآن نے مزید کہا کہ 65 سال سے زائد عمر کے شہریوں پر سابقہ کرفیو کا دائرہ بڑھایا جا رہا ہے اور اب اس میں 20 سال اور اس سے کم عمر کے افراد بھی شامل ہوں گے۔ اس عمر کے زمرے میں شامل افراد کو صبح 10 بجے سے شام 4 بجے تک ہی گھر سے باہر جانے کی اجازت ہوگی۔
Published: undefined
نئی پابندیوں کے تحت حکم دیا گیا ہے کہ کوئی بھی کھیل کود کی سرگرمی بغیر ناظرین کے منعقد کی جا سکتی ہے۔ صدر اردوآن نے کہا، صورتحال کنٹرول نہ ہوئی تو پابندیاں مزید سخت کی جا سکتی ہیں۔ خیال رہے کہ ترکی میں کورونا متاثرین کی تعداد 4 لاکھ 21 ہزار سے زیادہ اور اموات 11 ہزار سے بڑھ گئی ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم