عالمی خبریں

نیویارک: کورونا ایک بار پھر بے قابو، رات میں بار اور ریستوران کھولنے پر پابندی

نیو یارک کے گورنر اینڈریو کوآمو نے ٹوئٹ کیا کہ کورونا کیسز کو روکنے کے لئے یہ فیصلہ لیا گیا ہے۔ لائسنس یافتہ شراب کی دکانوں سمیت ریاست کے بار اور ریستوران کو رات کے 10بجے بند کرنے کا حکم دیا گیا ہے۔

تصویر یو این آئی
تصویر یو این آئی 

واشنگٹن: امریکہ کے نیویارک میں کورونا وائرس کے کیسز میں ایک بار پھر اضافہ سے بار، ریستوران اور جمز کے کھولنے پر پابندی عائد کردی گئی ہے اور صرف 10 افراد کسی بھی تقریب میں شرکت کرسکتے ہیں۔

Published: undefined

نیو یارک کے گورنر اینڈریو کوآمو نے یہ اطلاع دی۔ انہوں نے ٹوئٹ کیا کہ ’’کورونا کیسز کے پھیلاؤ کو روکنے کے لئے یہ فیصلہ لیا گیا ہے۔ لائسنس یافتہ شراب کی دکانوں سمیت ریاست کے بار اور ریستوران کو رات کے دس بجے کے بعد بند کرنے کا حکم دیا گیا ہے۔ اس کے علاوہ، جم بھی دس بجے کے بعد بند رہیں گے۔ ریاست میں یہ پابندیاں جمعہ کی رات 10 بجے سے نافذ ہوں گی۔

Published: undefined

انہوں نے کہا کہ پورے امریکہ میں کورونا کی صورتحال دن بدن خراب ہوتی جا رہی ہے۔ ہم جانتے ہیں کہ کورونا کے پھیلاؤ کی سب سے بڑی وجہ انڈور تقریبات اور پارٹیوں کا اہتمام کرنا ہے۔ اسی لئے ہم نے فیصلہ کیا ہے کہ صرف 10 افراد ہی ایسی تقریبات اور پارٹیوں میں شرکت کرسکیں گے۔ نیویارک میں بدھ کے روز کورونا کے 5000 نئے کیسز رپورٹ ہوئے ہیں۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined