بالٹک کی جمہوریہ لیٹویا سے ہفتہ پانچ جنوری کو ملنے والی نیوز ایجنسی ڈی پی اے کی رپورٹوں کے مطابق یہ دونوں یورپی شہری لیٹویا کے دارالحکومت ریگا کے وسطی علاقے میں ایک گلی کے موڑ پر ایسی حالت میں دیکھے گئے تھے کہ وہ ملکی قوانین کی شدید خلاف ورزی کے مرتکب ہو رہے تھے۔
Published: undefined
پولیس نے بتایا، ’’یہ جرمن مرد اور اس کی ساتھی روسی خاتون جنسی عمل میں مصروف تھے، جو اس کے لیے منتخب کی گئی جگہ کے حوالے سے خلاف قانون تھا۔‘‘
Published: undefined
ریگا پولیس نے بتایا کہ ان دونوں غیر ملکیوں کو فی کس 200 یورو (قریب 230 امریکی ڈالر) جرمانہ کر دیا گیا ہے۔
Published: undefined
پولیس کے جاری کردہ ایک بیان کے مطابق، ’’ان دونوں ملزمان کو اس وقت پکڑ لیا گیا، جب وہ موقع سے فرار ہونے کی کوشش کر رہے تھے۔ اس سے کچھ ہی دیر قبل عوامی سلامتی کے نقطہ نظر سے لگائے گئے ایک قریبی ویڈیو کیمرے پر پولیس اہلکاروں نے یہ دیکھ لیا تھا کہ یہ جوڑا ’قانون کی خلاف ورزی‘ میں مصروف تھا۔‘‘
Published: undefined
ڈی پی اے نے لکھا ہے کہ پولیس کے مطابق یہ واقعہ جمعہ چار جنوری کو صبح سویرے اس وقت پیش آیا، جب ریگا شہر کے تاریخی حصے میں درجہ حرارت نقطہ انجماد کے قریب تھا۔
Published: undefined
دوران تفتیش پولیس نے جب اس جوڑے سے یہ پوچھا کہ اس نے اتنی سخت سردی میں ایک عوامی جگہ پر اس جرم کا ارتکاب کیوں کیا، تو اس جرمن مرد اور اس کی دوست روسی خاتون دونوں نے پولیس ایک ہی بات بتائی، ’’ہم چاہتے تھے کہ سخت سردی میں کسی ’پرخطر‘ عوامی جگہ پر ہم ایک دوسرے کے انتہائی قریب ہو جائیں۔‘‘
Published: undefined
جرمنی اور روس سمیت دنیا کے بہت سے دیگر ممالک کی طرح لیٹویا میں بھی عوامی مقامات پر انسانی جنسی رابطے قانوناﹰ منع ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined