کورونا: لیبیا کے سابق وزیر اعظم محمود جبرئیل کا انتقال

لیبیا کے سابق وزیر اعظم محمود جبرئیل کا 68 سال کی عمر میں مصر کی راجدھانی قاہرہ میں انتقال ہو گیا۔ میڈیا ذرائع سے موصول ہو رہی خبروں کے مطابق محمود جبرئیل کووڈ-19 انفیکشن کے بعد گزشتہ کچھ دنوں سے بیمار تھے۔ خبر رساں ایجنسی سنہوا نے اپنی ایک رپورٹ میں کہا ہے کہ "جبرئیل کچھ وقت پہلے ہی کووڈ-19 کی زد میں آئے تھے اور ان کا انتقال ہفتہ کی دیر رات ہو گیا تھا۔ حالانکہ اس موت کی آفیشیل جانکاری اتوار کے روز دی گئی۔"

خبروں میں بتایا گیا ہے کہ کورونا وائرس انفیکشن کا پتہ چلنے کے بعد انھیں قاہرہ کے ایک اسپتال میں 10 دنوں تک آئسولیشن میں رکھا گیا تھا۔ قابل ذکر ہے کہ محمود جبرئیل لیبیا کے سابق لیڈر معمر قذافی کو ہٹانے اور مارنے کے ایک سال بعد سال 2012 میں تشکیل لیبیا کی لبرل پارٹیوں کے اتحاد 'نیشنل فورسیس ایلائنس' کے سربراہ تھے اور لوگوں میں بہت مقبول تھے۔