بنگلہ دیش کے سابق وزیر صحت محمد نسیم کی کورونا سے موت

ڈھاکہ: بنگلہ دیش کے سابق وزیر صحت اور عوامی لیگ کے لیڈر محمد نسیم کا سنیچر کو یہاں ایک اسپتال میں انتقال ہوگیا۔ وہ 72 برس کے تھے اور کورونا سے متاثر تھے۔ ان کے بیٹے تنویر شکیل جوائے نے آج صبح بتایاکہ تقریبا گیارہ بج کر دس منٹ پر نسیم نے آخری سانس لی۔

نسیم کی پیدائش دو اپریل 1948 کو ہوئی تھی۔ وہ سال 1999 سے 2001 تک ملک کے وزیر داخلہ رہے۔ اس کے بعد نسیم 2014-2019 تک حکومت میں وزیر صحت وخاندانی فلاح وبہبود کے وزیر رہے۔

نسیم کی صحت خراب ہونے کے بعد میڈیکل بورڈ کے بارہ اراکین والی ایک کمیٹی کی جمعہ کی رات ویڈیو کانفرنسنگ کے ذریعہ ایمرجنسی میٹنگ ہوئی۔ اس میٹنگ میں ان کے بیٹے بھی موجود تھے۔ نسیم دو جون کو کورونا سے متاثر ہوئے تھے۔

اسپتال میں علاج کے دوران دل کا دورہ پڑنے کے بعد پانچ جون کو سابق وزیرصحت کا کامیاب آپریشن ہواتھا۔ ایک دن پہلے نسیم کی صحت میں بہتری کے بعد انہیں آئی سی یو سے جنرل وارڈ میں شفٹ کیا جاناتھا۔ بنگلہ دیش کے صدر عبدالحمید، وزیراعظم شیخ حسینہ اور وزیر خارجہ عبدالمؤمن نے نسیم کے انتقال پر اپنے گہرے رنج وغم کا اظہار کیا ہے۔