کورونا: ارجنٹائنا میں 3 سے 11 سال کے بچوں کو سائنوفارم ویکسین لگانے کی منظوری

بیونس آئرس: ارجنٹینا نے تین سے 11 برس کی عمر کے بچوں کے لیے چین کی کورونا ویکسین سائنوفارم کے ہنگامی استعمال کی منظوری دے دی ہے۔ صحت کے حکام نے جمعرات کو کہا کہ ارجنٹینا نے حال ہی میں اس کی منظوری دی ہے۔ وزیر صحت کارلا ویزوٹی کے ایک اعلان کے مطابق، ملک میں تین سے 11 برس کی عمر کے تقریباً 60 لاکھ بچے ہیں۔ وزیر صحت نے کہا کہ ارجنٹینا اس سال کے آخر تک تین سال سے زائد عمر کے تمام افراد کی ویکسینیشن مکمل کرنے کا منصوبہ بنایا جا رہا ہے۔

تعلیمی عہدیداروں نے کہا کہ انہیں امید ہے کہ اس اقدام سے ارجنٹینا میں بچے آن لائن کے بجائے اسکولوں میں جاکر تعلیم حاصل کرسکیں گے۔ ملک گزشتہ برس کے آغاز میں کورونا کا پہلا کیس درج ہونے کے بعد سے اب تک مجموعی طور پر 5263219 کیس سامنے آئے ہیں اور 115379 اموات ہوئی ہیں۔