صدر ٹرمپ اور امریکہ کے ذریعہ کی گئی اس تشہیر کو چین نے سرے سے خارج کر دیا ہے کہ کورونا وائرس چین کے شہر ووہان سے پھیلا ہے۔ چین نے جمعہ کے روز دعویٰ کیا ہے کہ کورونا وائرس ووہاں سے پہلے ہی دنیا میں پھیل چکا تھا بس چین نے اس وائرس کے بارے میں پوری دنیا کو اطلاع سب سے پہلے دی۔
Published: undefined
چین نے کہا ہے کہ یہ وبائی وائرس دنیا کے کئی حصوں میں پہلے ہی پھیل چکا تھا لیکن کسی نے اس کی اطلاع نہیں دی اور چین پہلا ملک تھا جس نے اس کے بارے میں دنیا کو بتایا۔
چین نےامریکہ کے ان الزامات کو خارج کر دیا ہے کہ کورونا وائرس چینی شہرووہان کی ایک تجربہ گاہ سے پھیلا ہے۔چین نے اس الزام کو بھی خارج کر دیا ہے کہ انسانوں سے پہلے یہ وائرس چمگادڑ یا پینگولن میں ابھرا تھا۔
Published: undefined
یہ بیان چینی وزارت خارجہ کے ترجمان نے ایک پریس بریفنگ کے دوران دیا ۔ انہوں نے کہا کہ ’’ کورونا وائرس ایک نئےطرح کا وائرس ہے اور اس تعلق سے بہت زیادہ رپورٹس سامنے آ رہی ہیں ۔ ہم سبھی لوگ جانتے ہیں گزشتہ سال کے آخر میں دنیا کےکئی حصوں میں وبا ئی وائرس پھیلا تھا لیکن چین وہ پہلا ملک تھا جس نے اس وائرس کی شناخت کی اور پورے عالم کے ساتھ اس معلومات کو شئیر کیا ۔‘‘
Published: undefined
واضح رہے امریکہ نے نہ صرف چین پر یہ الزام لگایا تھا کہ یہ وائرس ایک چینی تجربہ گاہ سےپھیلا ہے بلکہ یہ بھی کہا تھا کہ چینی حکومت اس سب پر پردہ ڈالنے کی کوشش کر رہی ہے۔ ابھی تک اس وائرس سے ساڑے تین کروڑ افراد سے زیادہ متاثر ہو چکےہیں اور دس لاکھ سے زیادہ لوگوں کی جان جا چکی ہے۔ امریکہ دنیا کا سب سے زیادہ متاثر ہونے والا ملک ہے جبکہ ہندوستان دوسرے نمبر پر ہے لیکن ہندوستان میں شفایاب ہونے کی شرح بہت اچھی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined