لندن: برطانوی وزیر اعظم بورس جانسن نے یوروپی یونین کے صدر ارسلا وان ڈیر لیون سے بات چیت کرتے ہوئے کورونا ویکسین کی برآمد پر قابو پانے پر تشویش کا اظہار کیا ہے۔ وزیر اعظم کے دفتر نے گزشتہ روز کہا ’’وزیر اعظم نے آج شام یوروپی یونین کے صدر وان ڈیر لیون سے بات کی۔ انہوں نے یوروپی یونین کے ذریعہ ویکسین کی برآمدات پر دباؤ کے حوالہ سے اپنے شدید تحفظات کا اظہار کیا ہے۔‘‘
Published: undefined
یوروپی یونین کے ایگزیکٹو نائب صدر والڈیس ڈومبرووسکی نے جمعہ کے روز کہا تھا کہ کورونا وائرس ویکسین اورکچھ مصنوعات کی برآمدات کے لئے اجازت کی ضرورت ہوگی۔ یوروپی یونین نے ویکسین کی برآمدات کو محدود کرنے کا فیصلہ کیا ہے۔ ویکسین تیار کرنے والی ایسٹرا زینیکا کمپنی نے ویکسین کی تیاری پر پریشانیوں کا حوالہ دیتے ہوئے اس کی فراہمی میں تاخیر کا اعلان کیا۔ لیکن برطانیہ نے ویکسین کی فراہمی کے لئے اپنے عہد کا اظہار کیا ہے۔ ادھربرطانیہ کے ذرائع ابلاغ نے بروسیلز کے ذرائع کے حوالے سے بتایا ہے کہ یوروپی یونین نے شمالی آئرلینڈ کے بارے میں اپنا مؤقف تبدیل کیا ہے اور اسے ویکسین ایکسپورٹ اتھارٹی کی ضرورت سے مستثنیٰ کرے گا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined