اسلام آباد: اکستان میں کورونا وائرس کی عالمی وبا کے سبب گزشتہ چھ مہینے سے بند پڑے تعلیمی ادارے منگل کے روز کھول دیئے گئے۔ روزنامہ اخبار ڈان کے مطابق گزشتہ ہفتے منعقدہ بین صوبائی تعلیم کے وزیروں (آئی پی ای ایم سی) کی کانفرنس میں 15 ستمبر سے اپنے اپنے صوبوں میں تعلیمی اداروں کو دوبارہ کھولنے کا فیصلہ کیا گیا تھا۔
Published: undefined
کورونا وائرس کے پھیلاؤ سے بچنے کے لئے معیاری طریقہ کار (ایس او پی) پر سختی سے عمل کرتے ہوئے اسکولوں (نویں اور دسویں جماعت)، کالجوں اور یونیورسٹیوں کو مرحلہ وار دوبارہ کھولا جارہا ہے۔ یہ بھی فیصلہ کیا گیا ہے کہ اس ماہ کے آخر میں سیکنڈری اور پرائمری درجات کے اسکولوں کو بھی کھولا جائے گا۔ ملک میں کورونا وائرس کی وبا پھیل جانے کے بعد 15 مارچ سے تمام تعلیمی ادارے بند کردیئے گئے تھے۔
Published: undefined
وزیر اعظم عمران خان نے پیر کے روز ٹوئٹ کیا کہ "کل ہم لاکھوں بچوں کو اسکولوں میں خوش آمدید کہیں گے۔ یہ یقینی بنانا ہماری ترجیح اور اجتماعی ذمہ داری ہے کہ ہر بچہ پڑھنے کے لیے محفوظ طریقے سے اسکول جاسکے۔ ہم نے اس بات کو یقینی بنایا ہے کہ اسکولوں کی انتظامیہ کووڈ ۔19 سے متعلق صحت عامہ کی حفاظت کے اصولوں پر عمل پیرا ہوں"۔
Published: undefined
وزیر تعلیم شفقت محمود نے منگل کے روز کہا کہ ملک کے تعلیمی شعبے کے لئے یہ بہت ضروری ہے۔ تعلیمی اداروں کو دوبارہ کھولنے کا فیصلہ آسان نہیں تھا، لیکن وزارت صحت کے مشورے کے بعد آئی پی ای ایم سی نے تعلیمی اداروں کو کھولنے کا فیصلہ کیا اور وہ بھی مرحلہ وار ایس او پی کی پیروی کرتے ہوئے تاکہ طلبہ کے حصول تعلیم کے عمل کو نقصان نہ پہنچے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined