خیال کیا جا رہا ہے کہ یورو وژن فیسٹیول 2022 ء کی خوشیاں اور جوش و خروش قریب تین ماہ سے جاری یوکرین جنگ کی وجہ سے ماند پڑ گئیں ۔ اس مقابلے کے منتظم ادارے یورپی براڈکاسٹنگ یونین نے روس کو چوبیس فروری کو یوکرین پر چڑھائی کے اگلے ہی دن گیتوں کے اس مقابلے میں شریک ہونے سے روک دیا تھا۔
Published: undefined
یورو وژن میں شامل گیتوں میں ناروے کا گیت 'کیلے کھانے والے بھیڑیے‘ کا جہاں تذکرہ ہے وہاں فرانسیسی گیت میں چڑیلوں کی غار کے قصے کو سمویا گیا ہے۔ اسی طرح برطانوی گیت میں خلائی انسان کا ذکر ہے تو یونانی گیت میں مرنے کی خواہش کے موضوع کو شامل کیا گیا ہے۔
Published: undefined
ایسے ہی لیتھوینیا کے مقابلے میں شامل گیت کسی مطربہ کے بارے میں ہے اور سربیا کے گیت کا مرکزی موضوع جراثیم کا خوف ہے۔ اس طرح رواں برس کے مقابلے کا ایک گیت جو یوکرین فنکار پیش کریں گے، اس میں یوکرینی جنگ کا موضوع شامل ہے اور اس کو ہپ ہاپ موسیقی پر فنکار پیش کریں گے۔ میوزیکل ماہرین نے مقابلے میں شامل گیتوں کے موضوعات کو جہاں حیران کن قرار دیا وہاں انہیں نہایت متنوع اور دلچسپ بھی قرار دیا۔
Published: undefined
ریپ یا Rap اندازِ گائیکی بنیادی طور پر ہپ ہاپ ردھم یا بیٹ پر گائی جاتی ہے۔ رواں برس کے مقابلے میں اس وقت سب سے مقبول گیت کالوش آرکیسٹرا کا ہے جو ان کے وطن یوکرین کے بارے میں ہے۔
Published: undefined
اس میں میوزیکل بینڈ نے اپنے ملک یوکرین کو روسی جنگ میں بھرپور دفاع کے تناظر میں خراجِ تحسین پیش کیا ہے۔ عوامی رائے عامہ بھی اسی گیت کے حق میں ہے اور قوی امکان ہے کہ سن 2022 کے یورو وژن مقابلہ 'لاکوش آرکیسٹرا‘ نامی بینڈ جیت لے۔
Published: undefined
اس گروپ کی مرکزی سنگر چالیس سالہ یوکرینی شہری ماریا لیمباک کو یقین ہے کہ وہ ہفتے کی شام گیتوں کا یہ مقابلہ جیتنے میں کامیاب ہو جائے گا۔ کالوش آرکیسٹرا مقابلے میں اپنے ملک کا نیلا اور زرد پرچم تھام کر شرکت کریں گے۔
Published: undefined
سن 2022 کا یورو وژن گیت مقابلہ ترتیب کے اعتبار سے چھیاسٹھواں ہے اور اس کی میزبانی اٹلی کا شہر ٹورین کر رہا ہے۔ فائنل مقابلے کے ہر فنکار کو مختلف ممالک میں عوامی ووٹنگ اور میوزک ایکسپرٹ کی آرا حاصل ہو گی اور جیتنے والے کا بھی انتخاب اسی بنیاد پر ہو گا۔
Published: undefined
فائنل مقابلے کے لیے مختلف بیس ممالک کے نمائندہ گلوکار و فنکار شرکت کریں گے اور ان کا انتخاب دو سیمی فائنل مقابلوں میں کیا گیا تھا۔ فائنل میں پانچ اہم یورپی ممالک اٹلی، برطانیہ، فرانس، جرمنی اور اسپین بھی شامل ہیں اور ان کو یورو وژن کے پانچ 'بڑے‘ بھی قرار دیا جاتا ہے۔ فائنل جیتنے والے کو 'گلاس مائیکروفون‘ کی ٹرافی دی جائے گی اور اس کامیابی سے ان کا مستقبل روشن ہونا یقینی ہے۔
Published: undefined
مختلف ممالک میں یورو وژن مقابلے منعقد کیے گئے اب کامیاب فنکار فائنل میں حصہ لیں گے اور ٹورین منعقدہ سانگ کنٹیسٹ موضوعات کے اعتبار سے بہت دلچسپ خیال کیا گیا ہے۔ کئی گیت جذباتی نوعیت کے ہیں تو بعض نرالے موضوعات کے حامل بھی ہیں۔
Published: undefined
ناروے کے فنکار 'سب وولفر‘ زرد کارٹونی ماسک میں جو گیت گائیں گے، اس کا موضوع بھیڑیے کو کیلا دینا ہے اور فرانس کے فنکار 'الوان و آہیز‘ شبینہ رقصِ شیطان پیش کریں گے۔ برطانوی فنکار گروپ سیم رائیڈر اور سویڈن کی کارنیلا جیکبز بھی اہم امیدواروں میں شمار کیے جاتے ہیں۔
Published: undefined
گزشتہ برس کا یورو وژن گیتوں کا مقابلہ اطالوی میوزیکل راک بینڈ مینسکن نے جیتا تھا۔ اس راک بینڈ کو نیدرلینڈز کے شہر راٹرڈیم میں منعقدہ یورو وژن ایوارڈ کی تقریب میں ٹرافی اٹھانے کا اعزاز حاصل ہوا تھا۔ اس مقابلے کے بعد اطالوی دارالحکومت روم کے مقامی بینڈ کو عالمی شہرت حاصل ہوئی ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا