معروف پاپ اسٹار بریٹنی اسپیئرنے عدالت میں اپنا موقف پیش کرتے ہوئے جج سے گزارش کی کہ ان کی زندگی اور مالی امور پر ان کے والد کا جو کنٹرول ہے اس کا وہ فوری خاتمہ چاہتی ہیں۔ تیرہ برس قبل عدالت نے ہی بریٹنی اسپیئر کے والد کو ان کی نگرانی سونپی تھی جس کے بعد پہلی بار 39 سالہ گلوکارہ نے عدالت میں درخواست دائر کی ہے۔
Published: undefined
لاس اینجلس کی ایک عدالت میں سماعت سے قبل کورٹ کے باہر ان کے تقریباً 100 مداح بھی وہاں جمع ہو گئے جنہوں نے اپنے ہاتھوں میں ان کی حمایت میں بینرز اور پوسٹر اٹھا رکھے تھے۔ ان پر ''بریٹنی اسپیئر کو اب آزاد کرو'' اور ''بریٹنی کی زندگی میں مداخلت بند کرو'' جیسے نعرے درج تھے۔
Published: undefined
بریٹنی اسپیئر نے جج سے کہا کہ وہ اپنے بوائے فرینڈ سے شادی کرنا چاہتی ہیں اور ان سے بچے کی بھی متمنی ہیں۔ تاہم ان کے سرپرستوں نے انہیں ایسا کرنے سے روک رکھا ہے۔ انہوں نے فون پر جج سے کہا ''یہ نگرانی میرا بھلا کرنے سے زیادہ مجھے نقصان پہنچا رہی ہے۔ میں بغیر کسی جائزے کے اس سرپرستی کو ختم کرنا چاہتی ہوں۔''
Published: undefined
بریٹنی اسپیئر نے اپنے والد کی خاص طور پر مذمت کی جو قانونی سرپرست کے طور پر ان کے تمام امور کی دیکھ بھال اور فیصلے کرتے رہے ہیں۔ پاپ اسٹار سن 2008 میں ذہنی عارضے میں مبتلا ہوئی تھیں جس کے بعد عدالت نے ان کے تمام امور کی ذمہ داری ان کے والد کے سپرد کر دی تھی۔
Published: undefined
گلوکارہ کا کہنا تھا، ''مجھے سچ میں اس بات کا یقین ہے کہ یہ نگرانی (سرپرستی) میرے لیے کافی پریشان کن ہے۔ میرے والد، یا پھر جو بھی سرپرستی اور دیکھ بھال میں ملوث ہو کر مجھے سزا دینے میں کلیدی کردار ادا کرتے رہے ہیں... انہیں تو جیل میں ہونا چاہیے۔''
Published: undefined
جج برینڈا پینی کا کہنا تھا کہ بریٹنی اسپیئر کی قانونی ٹیم کو پہلے اس بارے میں عدالت کے سامنے باقاعدہ عرضی داخل کرنے کی ضرورت ہے تاکہ اس کی بنیاد پر وہ فیصلہ کر سکیں۔ جج نے عدالت میں ان کے بیانات کے حوالے سے کہا۔ ''مجھے معلوم ہے اس کے لیے بڑی ہمت درکار ہوتی ہے۔''
Published: undefined
اس بات کا آج تک پتہ نہیں چل سکا کہ پاپ اسٹار کن ذہنی عارضوں یا امراض سے دو چار تھیں تاہم انہوں نے اس بات کا اعتراف ضرور کیا ہے کہ نگرانی اور سرپرستی کی وجہ سے وہ مالی طور پر برباد ہونے سے بچ گئی تھیں۔ لیکن بدھ کے روز عدالت کے سامنے ان کے بیانات سے واضح ہوتا ہے کہ ان اقدامات سے انہیں نہ صرف صدمہ پہنچا بلکہ کافی افسردہ بھی ہوئیں۔
Published: undefined
بریٹنی اسپیئر کے سابق شوہر کیون فیڈر لائن کے ساتھ اختلافات اور تنازعے کی وجہ سے انہیں نفسیاتی علاج کے لیے ہسپتال میں داخل کرانا پڑا تھا۔ اس کے بعد بریٹنی کو والد جیمس اسپیئر کی تحویل اور نگرانی میں کر دیا گیا تھا۔ اس کے تحت انہیں بیٹی کے کاروبار اور ان کی جائیداد سے متعلق تمام اختیارات ان کے ہاتھ میں آ گئے تھے۔ بریٹنی سے ملاقات کرنے والوں کو بھی ان سے اجازت لینی ہوتی تھی۔
Published: undefined
ریاست کلیفورنیا میں ایسے افراد جو اپنا خیال خود نہیں کر سکتے یا پھر اپنے مالی امور کی حفاظت کے لائق نہیں ہیں، انہیں اہل خانہ کی سرپرستی میں دینے کا قانون موجود ہے۔ گزشتہ تیرہ برسوں کے دوران گلو کارہ نے بہت سے البم تیار کیے ہیں جبکہ ٹی وی پر بہت سے لائیو پروگرام پیش کیے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined