عام طور پر کسی ایک سپراسٹار کے میوزیکل شو میں شرکت یا اسے سننے کے لیےبہت تگ ودو کرنا پڑتی ہے لیکن ایک ہی شو بہت سارے سپر اسٹارز پرفارم کریں تو شو کا مزا ہی دوبالا ہو جاتا ہے۔
Published: undefined
’جنال مونے‘ اپنی ٹیم کے ساتھ اسٹیج پر جلوہ افروز ہوئیں اور اپنا نیا ری مکس گانا سنایا۔ ’میک می فیل‘ نامی یہ گانا سال 2019 کے سالانہ ایواڈ کے لیے بھی نامزد کیا گیا ہے۔ انہوں نے یہ گانا کر شائقین کے جیسے دل جیت لیے۔ انہوں نے اپنا ایک اور مشہور گانا ’پنک‘ جس کی وڈیو میں انہوں نے خود پرفارم کیا ہے، وہ بھی گریمی ایوارڈز کی اس تقریب میں اپنے دلفریب رقص کے ساتھ پیش کیا۔
Published: undefined
لیڈی گاگا نے باکس آفس پر چھا جانے والی فلم ’اے اسٹار از بورن‘ میں فلمایا گیا اپنا گانا ’شیلو‘ سنا کر اپنی اسٹیج پرفارمنس کا آغاز کیا۔ لیڈی گاگا نے گریمی ایوارڈز کی اس شب تین ایوارڈز جیتے جن میں سے دو ’شیلو‘ پر دیے گئے۔
Published: undefined
ابھرتی ہوئی کیوبن امریکن اسٹار کمیلا کبیلو نے اس حسین رات کا آغاز اپنے مشہور گانے ’ہوانا‘ سے کیا۔ کمیلا کبیلو نے اپنی اس پرفارمنس میں دونوں زبانوں یعنی انگریزی اور لاطینی زبانوں کا تڑکہ لگایا۔ لاطینی موسیقی کی انفرادیت نے سننے والوں کہ دل چھو لیے۔
Published: undefined
جہاں بات خوبصورتی اور انفرادیت کی ہو تو وہاں جینفر لوپز کا ’سالسا ڈانس‘ چار چاند لگا دیتا ہے۔شائقین نے جینیفر لوپز کی ان صلاحیتوں کو خوب سراہا۔
Published: undefined
ستاروں کی اس رنگا رنگ محفل میں ایک سے بڑھ کر ایک گائیکی کے جوہر موجود تھے، مگر جب بات ہو میوزک لیجنڈز کی تو دو ناموں کو کسی صورت نظر انداز نہیں کیا جا سکتا، ’ڈولی پارٹن‘ اور ’ڈسکو ڈیوا ڈیانا روس‘ اس شام کا تاج ان دونوں کے سر سجایا گیا۔ ڈولی اور ڈسکو ڈیوا نے ایک عرصے تک اپنے چاہنے والوں کے دلو ں پر راج کیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined