ثقافت

عالمی شہرت یافتہ فرانسیسی فیشن ڈیزائنر پیئر کارداں(Pierre Cardin)انتقال کر گئے

عالمی شہرت یافتہ فرانسیسی فیشن ڈیزائنر اور ارب پتی بزنس مین پیئر کارداں اٹھانوے برس کی عمر میں پیرس کے نواح میں انتقال کر گئے۔ 

عالمی شہرت یافتہ فرانسیسی فیشن ڈیزائنر پیئر کارداں انتقال کر گئے
عالمی شہرت یافتہ فرانسیسی فیشن ڈیزائنر پیئر کارداں انتقال کر گئے 

کارداں کے اہل خانہ کے مطابق ان کا انتقال آج منگل 29 دسمبر کے روز فرانسیسی دارالحکومت پیرس کے نواح میں ایک ہسپتال میں ہوا۔ پئیر کارداں دو جولائی 1922ء کو اٹلی میں تریویزو کے علاقے میں پیدا ہوئے تھے اور ان کے والدین نے ان کا نام پیئترو کونستانت کاردین رکھا تھا۔

Published: undefined

فیوچرسٹک فیشن کے بانیوں میں سے ایک

Published: undefined

کارداں نے اپنے فیشن ہاؤس کی بنیاد 1950 میں رکھی تھی، جسے بعد کے عشروں میں اتنی ترقی ملی تھی کہ انہوں نے دنیا بھر میں اپنی کمپنی کی شاخوں اور فیشن ہاؤسز کی ایک پوری سلطنت کھڑی کر دی۔ ان کا شمار پاکو رابان اور آندرے کوریگس کے ساتھ ان شخصیات میں ہوتا ہے، جنہوں نے 1963ء میں فیوچرسٹک فیشن رجحانات کی بنیاد رکھی تھی۔

Published: undefined

پیئر کارداں کے والد زرعی پس منظر کے حامل اور وائن کے ایک تاجر تھے اور وہ اپنے والدین کے سات بچوں میں سے سب سے چھوٹے تھے۔ پیئر کارداں کا خاندان اس دور کے فاشسٹ حکمرانوں سے بچنے کے لیے 1924ء میں اٹلی سے ترک وطن کے کر فرانس میں آباد ہو گیا تھا۔

Published: undefined

دوسری عالمی جنگ کے دوران 1944ء میں جب نازیوں کے زیر قبضہ فرانس کو آزاد کرا لیا گیا تھا، تو انہوں نے پیرس میں فیشن ڈیزائنر کے طور پر کام کرنا شروع کر دیا۔

Published: undefined

ان کی ایک ڈیزائنر کے طور پر شہرت کا آغاز 1947ء میں اس وقت ہوا تھا، جب انہون نے ایک اور بین الاقوامی شہرت یافتہ فرانسیسی فیشن ڈیزائنر کرستیاں دِیئور کے لیے کام کرتے ہوئے خواتین کے لیے 'نیو لُک‘ ملبوسات ڈایزائن کیے تھے۔

Published: undefined

غیر معمولی حد تک کامیاب کاروباری شخصیت

Published: undefined

پیئر کارداں نے اپنے جس کیریئر کا آغاز فیشن ڈیزائنر کے طور پر کیا تھا، اس کے نقطہ عروج پر وہ کئی شعبوں میں صارفین کے لیے بہت مہنگی اشیائے صرف اور اشیائے تعیش بنانے لگے۔ انہوں نے اپنی کاروباری زندگی میں بہت سی املاک خریدیں، جن میں انتہائی مہنگے ہوٹل، ریستوراں، میڈیا ادارے، محلات اور بحری جہاز تک شامل تھے۔

Published: undefined

2007ء میں وہ 180 ممالک میں 800 کاروباری اداروں کے مالک تھے اور تب ان کے بزنس گروپ کے لیے کام کرنے والے کارکنوں کی تعداد تقریباﹰ دو لاکھ بنتی تھی۔ وہ 850 سے زائد مصنوعات کے پیداواری لائسنسوں اور ان کے حقوق دانش کے مالک بھی تھے۔

Published: undefined

پیئر کارداں 1991ء سے اقوام متحدہ کے ثقافتی ادارے یونیسکو کے خیر سگالی کے سفیر بھی تھے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined