'اسٹینڈ اپ فار یوکرین‘ یا یوکرین کے لیے اٹھ کھڑے ہوں نامی کانسرٹ میں بلی آئلش، میڈونا، سیلین ڈیون، کیٹی پیری، ایلٹن جان، اسٹیوی ونڈر اور بروس اسپرنگسٹین جیسے میوزک اسٹارز نے یوکرین کے اندر متاثرہ اور بے گھر افراد کے لیے عطیات کی اپیل کی۔ ان لاکھوں پناہ گزینوں کے لیے بھی، جو ملک سے فرار ہو چکے ہیں۔
Published: undefined
غیر سرکاری تنظیم گلوبل سٹیزن کے مطابق متعدد گریمی ایوارڈ یافتہ جون بٹسٹ، مائلی سائرس، بلی جوئل، دا ویکنڈ، یو ٹو، دی ریڈ ہاٹ چلی پیپرز اور جرمن گلوکار ہربرٹ گرونی میئر بھی ڈیجیٹل ایونٹ میں شرکت کے بارے میں سوچ رہے تھے۔ یہ صرف ستاروں تک ہی محدود نہیں ہے، کوئی بھی اس عالمی سوشل میڈیا ریلی میں شامل ہو سکتا تھا۔ اس کے لیے آپ کو ایک ویڈیو بنا کر اسے اپ لوڈ کرنا تھا، جس میں عالمی رہنماؤں سے پناہ گزینوں کے عالمی بحران پر کارروائی کرنے کو کہا گیا ہو۔
Published: undefined
ریلی کے شرکاء حکومتوں، اداروں اور کارپوریشنوں کی حوصلہ افزائی کریں گے کہ وہ یوکرین کے ساتھ ساتھ یمن، جنوبی سوڈان اور افغانستان جیسے دیگر تنازعات کے پناہ گزینوں کے لیے بھی چندہ دیں۔
Published: undefined
یہ اقدام یوکرین کے صدر وولودیمیر زیلنسکی کی ایک نئی ویڈیو کے رد عمل میں سامنے آیا تھا، جس میں انہوں نے عالمی برادری سے یوکرین پر روسی حملے سے متاثرہ افراد کی مدد کرنے کا مطالبہ کیا تھا۔ انہوں نے کہا، ''میں آپ سے یوکرین کی حمایت کرنے کے لیے کہتا ہوں، 'یوکرین کے لیے کھڑے ہو جاؤ' کے نعرے کے ساتھ یوکرینی شہریوں کی حمایت کریں۔ میں سب کو مدعو کر رہا ہوں موسیقار، اداکار، کھلاڑی، تاجر، سیاست دان، ہر کوئی۔ ہر وہ شخص جو اس تحریک میں شامل ہونا چاہتا ہے۔‘‘
Published: undefined
24 فروری کو روسی حملے کے بعد 12 ملین سے زیادہ یوکرینی باشندوں کو اس وقت ہنگامی امداد خوراک، پانی، پناہ گاہوں اور صحت سے متعلق سہولیات کی ضرورت ہے۔ روس کی مسلسل بمباری سے بہت سے شہری ہلاک ہو چکے ہیں، اپارٹمنٹ بلاکس، بنیادی ڈھانچے اور صحت کے مراکز کی تباہی کے سبب پورے شہر ناقابل رہائش ہو گئے ہیں۔ بہت سے کمزور افراد، بوڑھے، بچے اور معذور افراد یوکرین میں رہنے پر مجبور ہیں کیونکہ وہ ملک سے بھاگنے کے قابل نہیں ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined