ساؤتھمپٹن: تیز گیندباز محمد سمیع کی قیادت میں ہندوستانی گیندبازوں نے شاندار واپسی کرتے ہوئے نیوزی لینڈ کو آئی سی سی عالمی ٹیسٹ چیمپئن شپ کے فائنل میچ کے پانچویں دن منگل کے روز پہلی پاری میں 249 رن پر روک دیا اور نیوزی لینڈ نے پاری میں 32 رن کی مختصر سبقت حاصل کر لی۔
Published: undefined
ہندوستان نے اس کے بعد سنبھل کر کھیلتے ہوئے 30 اوور کے کھیل میں سلامی بلے بازوں شبھمن گِل اور روہت شرما کے وکٹ کھو کر 64 رن بنا لیے ہیں اور اس کے پاس اب 32 رن کی سبقت ہو گئی ہے۔ میچ کا فیصلہ اب چھٹے دن بدھ کے روز جا کر ہوگا جو اس میچ کے لیے ریزرو دن کے طور پر رکھا گیا ہے۔
Published: undefined
روہت اور گِل نے دوسری پاری میں اوپننگ شراکت داری میں 10.4 اوور میں 24 رن جوڑے۔ ٹِم ساؤتھی نے گِل کو پویلین بھیج کر نیوزی لینڈ کو پہلی کامیابی دلائی۔ گِل نے 33 گیندوں میں آٹھ رن بنائے۔ میدان پر پھر اترے چیتیشور پجارا نے روہت کے ساتھ پاری کو آگے بڑھایا اور اسکور 51 رن تک لے گئے۔
کھیل ختم کیے جانے سے کچھ وقت پہلے روہت نے ساؤتھی کی اندر آتی گیند پر کھیلنے کی کوشش نہیں کی اور بلہ ہوا میں اٹھا لیا۔ کیوی کھلاڑیوں کی اپیل پر امپائر نے اپنی انگلی اٹھا دی اور روہت پویلین لوٹنے پر مجبور ہو گئے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: محمد تسلیم