رائل چیلنجرز بنگلورو پہلی بار لکھنؤ کے خلاف جیتی، بن گئی نمبر 1

رائل چیلنجرز بنگلورو نے لکھنؤ سپر جائنٹس کے خلاف پہلی کامیابی حاصل کی۔ آئی پی ایل 2026 کا 23 واں لیگ میچ بنگلورو اور لکھنؤ کے درمیان کھیلا گیا۔ آر سی بی نے لکھنؤ کے خلاف 5 وکٹوں سے کامیابی حاصل کی۔ چناسوامی اسٹیڈیم میں لکھنؤ کے خلاف بنگلورو کی یہ پہلی جیت تھی۔ اس کے ساتھ ہی رجت پاٹیدار کی کپتانی میں بنگلورو پوائنٹس ٹیبل میں سب سے اوپر پہنچ گئی۔

کوہلی نے رن کے تعاقب میں شاندار کارکردگی کا مظاہرہ کرتے ہوئے 34 گیندوں میں 6 چوکوں اور 1 چھکے کی مدد سے 49 رنز بنائے۔ یہ پہلا موقع تھا جب کوہلی کسی آئی پی ایل میچ میں ایک اثر انگیز کھلاڑی کے طور پر کھیلے۔ یہ ان کے آئی پی ایل کیریئر میں پہلی بار ہوا جب وہ 49 رنز بنا کر آؤٹ ہوئے۔ اس سے کوہلی کو اورنج کیپ مل گئی۔ اب وہ پانچ میچوں کی پانچ اننگز میں 228 رنز بنا چکے ہیں۔

میچ میں بنگلورو کے کپتان رجت پاٹیدار نے ٹاس جیت کر گیند بازی کا فیصلہ کیا۔ پہلے بلے بازی کرتے ہوئے لکھنؤ کی ٹیم 20 اوور میں 146 رن پر آل آؤٹ ہوگئی۔ اوپننگ بلے باز مچل مارش نے ٹیم کی جانب سے سب سے زیادہ رنز بنائے، انہوں نے 32 گیندوں پر تین چوکوں اور دو چھکوں کی مدد سے 40 رنز بنائے۔ مکل چودھری نے بھی 39 اور آیوش بدونی نے 38 رنز بنائے۔ ٹیم کے لیے کھیلنے والے 11 بلے بازوں میں سے 7 ڈبل فیگرز تک پہنچنے میں ناکام رہے۔

ہدف کا تعاقب کرتے ہوئے بنگلورو نے 15.1 اوور میں 5 وکٹوں سے میچ جیت لیا۔ کوہلی کے علاوہ کپتان رجت پاٹیدار نے 27 رنز اور جیتیش شرما نے 23 رنز بنا کر ٹیم کی جیت میں مدد کی۔ اس دوران لکھنؤ کے لیے پرنس یادو نے سب سے زیادہ دو وکٹ لیے۔