ہیلی اور سیور کی آل راؤنڈ کارکردگی کی بدولت ممبئی کی جیت

ہیلی میتھیوز (59 رن اور ایک وکٹ) اور نیٹلی سیور برنٹ (75 ناٹ آؤٹ اور تین وکٹ) کے درمیان آل راؤنڈ پارٹنرشپ کی بدولت ممبئی انڈینس نے بدھ کو ویمنز پریمیئر لیگ (ڈبلیو پی ایل) کے ایک میچ میں یوپی واریئرز کو آسانی سے آٹھ وکٹ سے شکست دے دی۔

گریس ہیری (45) اور دنیش ورندا (33) کے درمیان 79 رن کی قیمتی شراکت پر سوار، یوپی واریئرز نے نو وکٹ پر 142 رن بنائے تھے اور ممبئی انڈینز نے یہ ہدف 18 گیندیں باقی رہتے دو وکٹ کھوکر حاصل کر لیا۔

ممبئی کی جیت میں سیور نے سب سے اہم کردار ادا کیا کیونکہ انہوں نے صرف 18 رن دے کر یوپی کے تین اہم وکٹ لئے اور بعد میں صرف 44 گیندوں میں 75 رن کی ناٹ آوٹ اننگز کھیل کر اپنی ٹیم کی جیت کو آسان بنا دیا۔ دوسرے سرے پر میتھیوز نے ان کا بھرپور ساتھ دیا۔ میتھیوز نے سوفی ایکلسٹن کے آؤٹ ہونے سے پہلے ممبئی کی جیت پر مہر ثبت کر دی تھی۔

اس سے پہلے ٹاس ہارنے کے بعد یوپی واریئرز نے پہلے ہی اوور میں کرن نوگیرے (1) کی شکل میں اپنا پہلا وکٹ گنوایا، تاہم، ہری اور ورندا نے ممبئی کی بولنگ کا مقابلہ کرنے کے لیے نڈر بلے بازی کا مظاہرہ کیا اور نو اووروں میں اسکور بورڈ پر 81 رن لگا دئے۔ اس دوران ہیری نے امیلیا کر کے ہاتھوں اپنی وکٹ گنوائی جبکہ اگلے ہی اوور میں ان کی ساتھی ورندا کو سنسکرت گپتا نے آؤٹ کر دیا۔ تالیا میک گرا بھی اسی اوور میں سنسکرت کا دوسرا شکار بنیں۔

مسلسل تین وکٹ لینے کے بعد ممبئی نے ہیلی میتھیوز کے ساتھ اپنی اسٹرائیک گیند باز نٹالی سیور برنٹ کو محاذ پر لگایا۔ میتھیوز نے کپتان دیپتی شرما (4) کی قیمتی وکٹ حاصل کی اور شویتا سہراوت (13) اور شنیل ہنری (7) کو سیور نے آؤٹ کیا۔ وقفے وقفے سے وکٹیں گرنے کے ساتھ یوپی سلوگ اوورز میں اپنے رن ریٹ کو تیز کرنے میں ناکام رہی۔ اوما چھتری 13 رن بنانے کے بعد ناٹ آؤٹ رہیں۔ممبئی کی جانب سے نٹالی سیور برنٹ تین وکٹیں لے کر سب سے کامیاب بولر بنیں جبکہ شبنم اسماعیل اور سنسکرت گپتا نے دو دو وکٹیں حاصل کیں۔ ہیلی میتھیوز اور امیلیا کر نے ایک ایک وکٹ حاصل کی۔