کرکٹ

ہندوستان نے نیوزی لینڈ کے خلاف ٹیسٹ کا سب سے بڑا اسکور بنایا، ویسٹ انڈیز کا 31 سال پرانا ریکارڈ ٹوٹا

ہندوستان نے نیوزی لینڈ کے خلاف اپنی پہلی اننگ 9 وکٹوں کے نقصان پر 720 رنز بنا کر ڈکلیئر کر دی۔ ویسٹ انڈیز نے 1995 میں ویلنگٹن میں ہی 5 وکٹوں کے نقصان پر 660 رنز بنا کر اپنی اننگ ڈکلیئر کی تھی۔

<div class="paragraphs"><p>تصویر سوشل میڈیا،&nbsp;@BCCI</p></div>

تصویر سوشل میڈیا، @BCCI

 

ہندوستانی کرکٹ ٹیم نے ویلنگٹن کے بیسن ریزرو میں نیوزی لینڈ کے خلاف کھیلے جا رہے ٹیسٹ میچ کے چوتھے دن اپنی پہلی اننگ 9 وکٹوں کے نقصان پر 720 رنز بنا کر ڈکلیئر کر دی۔ نیوزی لینڈ کے خلاف کسی بھی ٹیم کی جانب سے ایک اننگ میں بنایا گیا یہ سب سے بڑا ٹیسٹ اسکور ہے۔ ہندوستانی ٹیم نے نیوزی لینڈ کے خلاف سب سے بڑا ٹیسٹ اسکور بنا کر ویسٹ انڈیز کا 31 سال پرانا ریکارڈ توڑ دیا ہے۔ ویسٹ انڈیز نے 1995 میں ویلنگٹن میں ہی 5 وکٹوں کے نقصان پر 660 رنز بنا کر اپنی اننگ ڈکلیئر کی تھی۔

نیوزی لینڈ میں بنایا گیا یہ اب تک کا سب سے بڑا ٹیسٹ اسکور ہے۔ اس سے قبل نیوزی لینڈ نے 2019 میں ہیملٹن میں بنگلہ دیش کے خلاف اپنی اننگ 6 وکٹوں کے نقصان پر 715 رنز بنا کر ڈکلیئر کی تھی۔ ہندوستانی ٹیم کا یہ ٹیسٹ کرکٹ میں تیسرا سب سے بڑا اور نیوزی لینڈ کے خلاف کسی بھی ٹیم کا سب سے بڑا ٹیسٹ اسکور ہے۔ ہندوستان نے اپنا سب سے بڑا ٹیسٹ اسکور 2016 میں چنئی میں انگلینڈ کے خلاف بنایا تھا۔ اس میچ میں ہندوستانی ٹیم نے اپنی اننگ 7 وکٹوں کے نقصان پر 759 رنز بنا کر ڈکلیئر کی تھی۔

ہندوستان کا دوسرا سب سے بڑا ٹیسٹ اسکور 2009 میں سری لنکا کے خلاف بریبورن اسٹیڈیم میں بنا تھا۔ ہندوستانی ٹیم نے اپنی اننگ 9 وکٹوں کے نقصان پر 726 رنز بنا کر ڈکلیئر کی تھی۔ اس میچ میں ہندوستان نے اپنا تیسرا سب سے بڑا اسکور بنایا ہے۔ 2010 میں سری لنکا کے خلاف کولمبو میں بنائے گئے 707 رنز ہندوستان کا چوتھا سب سے بڑا ٹیسٹ اسکور ہے۔ 2004 میں آسٹریلیا کے خلاف سڈنی میں ہندوستان نے 7 وکٹوں کے نقصان پر 705 رنز بنا کر اپنی اننگ ڈکلیئر کی تھی۔ ٹیسٹ کرکٹ میں یہ ہندوستان کا پانچواں سب سے بڑا اسکور ہے۔

ٹیسٹ کرکٹ میں یہ پانچواں موقع ہے جب ہندوستان نے ایک اننگ میں 700 یا اس سے زیادہ رنز بنائے ہیں۔ اس فہرست میں سری لنکا پہلے مقام پر ہے۔ سری لنکا نے ٹیسٹ کرکٹ میں 7 مرتبہ 700 یا اس سے زیادہ رنز بنانے کا کارنامہ انجام دیا ہے۔ انگلینڈ (4)، آسٹریلیا (4)، ویسٹ انڈیز (4)، پاکستان (2) اور نیوزی لینڈ (1) بھی اس فہرست میں شامل ہیں۔

ہندوستانی اننگ میں 14 چھکے لگے۔ کسی ایک ٹیسٹ اننگ میں سب سے زیادہ چھکے لگانے کے معاملے میں ہندوستان کی یہ مشترکہ طور پر تیسری بہترین کارکردگی ہے۔ اس سے قبل 2019 میں جنوبی افریقہ کے خلاف وشاکھاپٹنم میں بھی ہندوستانی ٹیم نے 14 چھکے لگائے تھے۔ 2024 میں انگلینڈ کے خلاف راجکوٹ میں لگائے گئے 18 چھکے پہلے، 2009 میں بریبورن میں سری لنکا کے خلاف لگائے گئے 15 چھکے دوسرے اور 2019 میں جنوبی افریقہ کے خلاف لگائے گئے 14 چھکے تیسرے مقام پر ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔