ممبئی: غیر ملکی بازاروں سے ملنے والے کمزور اشاروں کے درمیان ویدانتا اور ریلائنس جیسی قدآور کمپنیوں میں ہونے والی زبردست فروخت کے دباؤ میں بدھ کو کاروبار کے دوران بی ایس ای کا 30 حصص والا اشاریہ سینسیکس 38000 پوائنٹس اور نیشنل اسٹاک ایکسچینج کا نفٹی 11450 پوائنٹس کی نفسیاتی سطح سے نیچے آ گیا۔
Published: undefined
چین کے اپریل ماہ کے مایوس کن برآمدات کے اعداد و شمار اور امریکہ چین کے درمیان کشیدگی میں اضافہ کے درمیان دنیا بھر کے حصص بازاروں پراثر رہا۔ اس کے علاوہ ویدانتا کی کمزور سہ ماہی کارکردگی سے بھی سرمایہ کاری متاثر رہی، ان سب وجوہات کے درمیان سینسیکس گراوٹ کے ساتھ 38244.18 پوائنٹس پر کھلا۔ کاروبار کے ابتدا میں یہ 0.82 فیصد یعنی 312.06 پوائنٹس کی کمی کے ساتھ 38000 پوائنٹس کی نفسیاتی سطح کے نیچے یعنی 37964.57 پوائنٹس پر آ گیا۔
Published: undefined
نفٹی کی شروعات بھی گراوٹ میں 11478.70 پوائنٹس سے ہوئی۔ کاروبار کے دوران یہ بھی 80.70 پوائنٹس یعنی 0.70 فیصد کا غوطہ لگاتا ہوا 11450 پوائنٹس کے نیچے یعنی 11417.20 پوائنٹس پر آ گیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined