صنعت و حرفت

تیل قیمتوں کی آگ مزید بھڑکی، پٹرول 35 پیسے، ڈیزل 37 پیسے مہنگا

پٹرول اور ڈیزل کی قیمتوں میں آج پھر بڑا اضافہ ہوا ، جس کے بعد ممبئی میں پٹرول 104 روپے ، چنئی میں 99 روپے اور دہلی میں 98 روپے فی لیٹر عبور کرچکا ہے

پٹرول ڈیزل / یو این آئی
پٹرول ڈیزل / یو این آئی 

نئی دہلی: پٹرول اور ڈیزل کی قیمتوں میں آج پھر بڑا اضافہ ہوا ، جس کے بعد ممبئی میں پٹرول 104 روپے ، چنئی میں 99 روپے اور دہلی میں 98 روپے فی لیٹر عبور کرچکا ہے۔ ممبئی میں ڈیزل بھی 96 روپے فی لیٹر تک پہنچ گیا ہے۔ آئل مارکیٹنگ کمپنیوں نے ہفتے کے روز ملک کے چار بڑے شہروں میں پٹرول کی قیمت میں 35 پیسے اور ڈیزل کی قیمت میں 37 پیسے کا اضافہ کیا۔ اس سے قبل جمعہ کے روز دونوں پٹرولیم ایندھن کی قیمتیں مستحکم تھیں۔

Published: undefined

معروف آئل مارکیٹنگ کمپنی انڈین آئل کارپوریشن کے مطابق دہلی میں پٹرول اور ڈیزل کی قیمت میں آج 35 ۔35 پیسے کا اضافہ کیا گیا ہے۔ اس اضافے کے بعد یہاں پٹرول 98.11 روپے اور ڈیزل 88.65 روپے فی لیٹر کی بلند ترین سطح پر پہنچ گیا۔ جون میں اب تک دہلی میں پٹرول کی قیمت میں 3.88 روپے اور ڈیزل کی قیمت میں 3.50 روپے کا اضافہ ہوا ہے۔ اس سے قبل مئی میں پٹرول 3.83 روپے اور ڈیزل 4.42 روپے مہنگا ہوا تھا۔

Published: undefined

ممبئی میں پٹرول کی قیمت 33 پیسے بڑھ کر 104.22 روپے فی لیٹر ہوگئی اور یہ پہلی مرتبہ 104 روپے فی لیٹر سے اوپر پہنچ چکا ہے۔ ڈیزل 37 پیسے مہنگا ہوکر 96.16 روپے فی لیٹر کی ریکارڈ بلند ترین سطح پر پہنچ گیا ہے۔ چنئی میں پٹرول 31 پیسے مہنگا ہوکر 99.19 روپے اور ڈیزل 34 پیسے اضافے کے ساتھ 93.23 روپے فی لیٹر فروخت ہوا۔ کولکاتا میں پٹرول 34 پیسے اور ڈیزل 35 پیسے مہنگا ہوا۔ یہاں ایک لیٹر پٹرول کی قیمت 97.97 روپے اور ڈیزل کی قیمت 91.50 روپے ہوگئی۔

Published: undefined

آج ملک کے چار میٹرو میں پٹرول اور ڈیزل کی قیمتیں حسب ذیل ہیں۔

شہر کا نام —— پٹرول —— ڈیزل

دہلی —— 98.11 —— 88.65

ممبئی —— 104.22 —— 96.16

چنئی —— 99.19 —— 93.23

کولکاتا —— 97.97 —— 91.50

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined