نئی دہلی: ملک میں پترول-ڈیزل سمیت رسوئی گیس کی قیمتوں میں اضافہ کے بعد اب کھانے کی اشیا پر بھی مہنگائی کی مار پڑنے لگی ہے۔ برسات کا موسم شروع ہونے کے ساتھ ہی ٹماٹر پھر سے سرخ ہو گیا ہے۔ ملک کی راجدھانی دہلی اور ملحقہ علاقوں میں ٹماٹر 80 روپے فی کلو تک جا پہنچا ہے۔ بتایا جاتا ہے کہ بارش کے سبب فصل خراب ہونے سے ٹماٹر کی آمد میں کمی آ گئی اور نتیجاً قیمتیں آسمان چھونے لگیں۔ اگلے ہفتہ نئی فصل کی آمد میں تیزی آنے کے بعد ٹماٹر کی قیمتوں میں کمی آنے کی امید ہے۔
Published: undefined
گزشتہ ہفتہ ایک مہینے میں ٹماٹر کی تھوک قیمتوں میں 10 گنا تک اضافہ ہوا تھا۔ اس سے قبل دہلی کی آزاد پور منڈی میں ٹماٹر کی قیمت جہاں سوا روپے سے لے کر پونے پانچ روپے فی کلو تک تھی وہیں گزشتہ جمعہ کو یہاں ٹماٹر کے تھوک دام 6.55 روپے فی کلو تھے۔
Published: undefined
ایک روز قبل منڈی میں ٹماٹر کے تھوک دام 52 روپے فی کلو تک پہنچ گئے یعنی ایک مہینے میں داموں میں تقریباً 995 فیصد کا اضافہ درج کیا گیا۔ تھوک داموں میں اضافہ کے سبب دہلی، این سی آر میں ٹماٹر کی خودہ قیمت جمعرات کو 80 روپے فی کلو تک پہنچ گئی۔ جبکہ دہلی سے ملحقہ گریٹر نوئیڈا میں خردہ قیمت 50.70 روپے فی کلو رہی۔
Published: undefined
آزاد پور منڈی زرعی پیداوار مارکیٹنگ کمیٹی کے صدر عادل خان کا کہنا ہے کہ یوں تو ٹماٹر کی آمد میں کمی کی وجہ سے قیمتوں میں اضافہ ہوا ہے، لیکن دیگر تمام سبزیوں اور پھلوں کے دام بھی بڑھ گئے ہیں اور اس کی وجہ ڈیزل کی قیمتوں میں اضافہ ہے۔ انہوں نے بتایا کہ ڈیزل کی قیمت بڑھ جانے سے ٹرانسپورٹ کرایہ میں اضافہ ہو گیا اور تمام سبزبیوں اور پھلوں کی قیمتوں میں اضافہ ہو گیا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم