ہندوستان کی معیشت کا زوال لگاتار جاری ہے اور کئی ایسے اعداد و شمار سامنے آ چکے ہیں جو یہ ظاہر کر رہے ہیں کہ اگر جلد کوئی ٹھوس قدم نہیں اٹھایا گیا تو حالات ابتر ہو جائیں گے۔ کانگریس لیڈر راہل گاندھی نے اس سلسلے میں مودی حکومت سے سوال کیا ہے اور پوچھا ہے کہ وہ ملک کی معاشی حالت کے بارے میں کیا سوچتے ہیں۔ راہل گاندھی نے اپنے ایک ٹوئٹ میں پوچھا ہے کہ ’’محترم مودی جی، ’ہاؤڈی اکونومی‘ (معیشت کا کیا حال ہے)؟‘‘ اسی ٹوئٹ میں وہ آگے لکھتے ہیں کہ ’’لگتا نہیں کہ یہ (معیشت) بہت اچھے حال میں ہے۔‘‘
Published: undefined
دراصل مودی آئندہ ہفتہ امریکہ کے ہیوسٹن کا دورہ کرنے والے ہیں جہاں ایک تقریب کا انعقاد ہوگا۔ اس تقریب کا نام ’ہاؤڈی مودی‘ رکھا گیا ہے۔ یہی سبب ہے کہ راہل گاندھی نے اپنے ٹوئٹ میں ’ہاؤڈی‘ لفظ کا استعمال کیا ہے۔ اس طرح انھوں نے پی ایم مودی پر طنز کا تیر بھی چلایا ہے اور معیشت کے برے حال پر انھیں سوچنے کے لیے مجبور بھی کیا ہے۔
Published: undefined
دوسری طرف کانگریس کے آفیشیل ٹوئٹر ہینڈل سے بھی ہندوستان کی بگڑتی معیشت کو لے کر مودی حکومت سے سوال کیا گیا ہے۔ کانگریس نے کہا ہے کہ ہماری معیشت انتہائی بحرانی صورت میں ہے۔ اس کے باوجود حکومت نتیجہ خیز قدم کیوں نہیں اٹھا رہی ہے۔ کانگریس نے ٹوئٹ میں لکھا ہے کہ ’’جب لوگ بنیادی اور ضروری چیزیں نہیں خرید رہے ہیں، جب سیکٹر در سیکٹر مندی کی مار جھیلنے کے لیے مجبور ہیں، تو آپ جانتے ہیں کہ ہماری معیشت سنگین بحران میں ہے۔ ہندوستان کو اس مشکل سے باہر نکالنے کے لیے حکومت نتیجہ خیز قدم کیوں نہیں اٹھا رہی ہے؟‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر بشکریہ جمال عباس فہمی
تصویر: سوشل میڈیا