نئی دہلی: کانگریس نے پٹرول اور ڈیزل کی قیمتوں میں اضافے پر تنقید کی ہے اور حکومت سے بڑھی ہوئی قیمتوں کو فوراً واپس لینے کا مطالبہ کیا ہے۔
Published: undefined
کانگریس کے شعبہ مواصلات کے سربراہ رندیپ سنگھ سرجے والا نے ہفتہ کے روز ایک بیان میں کہا کہ پٹرول ، ڈیزل اور کھانا پکانے کی گیس کی قیمتوں میں اضافہ نامناسب ہے، حکومت کو فوری طور پر اسے واپس لینا چاہئے اور ملک کے عوام کو ایندھن کی قیمتوں میں کمی کا فائدہ دینا چاہئے۔
Published: undefined
انہوں نے کہا کہ پٹرول اور ڈیزل کو گڈز اینڈ سروس ٹیکس-جی ایس ٹی کے تحت لایا جائے اور ان دونوں ایندھنوں سے حاصل ہونے والے فائدے سے اپنا خزانہ بھرنے کے بجائے حکومت کو بین الاقوامی مارکیٹ میں خام تیل کی کمی کا فائدہ دینا چاہئے۔ انہوں نے کہا کہ 5 مارچ کے بعد عوام کو پٹرول ڈیزل کی قیمتوں میں اضافے اور ایکسائز ڈیوٹی کے ذریعہ حاصل ہونے والے منافع سے فائدہ اٹھانا چاہئے۔
Published: undefined
قابل غور ہے کہ حکومت نے آج مسلسل چوتھے روز ایندھن کی قیمتوں میں اضافہ کیا ہے جس کی وجہ سے دہلی سمیت تمام میٹروز میں پٹرول کی قیمت 27 پیسے اور ڈیزل میں 24 پیسے فی لیٹرکا اضافہ ہوا ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم