ممبئی: نئے سال کے موقع پر بالی ووڈ کے سپر اسٹار شاہ رخ خان نے اپنے مداحوں کو خوشخبری دیتے ہوئے کہا ہے کہ وہ 2021 میں پردہ سیمیں پر نظر آنے والے ہیں۔ کنگ خان نے نئے سال کے موقع پر ہفتہ کے روز خود ویڈیو بنا کر پوسٹ کی ہے۔ شاہ رخ نے اپنی پوسٹ میں لکھا کہ وہ اب 2021 میں بڑے پردے پر نظر آئیں گے۔
Published: undefined
شاہ رخ نے پوسٹ میں اپنی آنے والی فلم ’پٹھان‘ کا بھی ذکر کیا ہے۔ 3 منٹ 15 سیکنڈ کی ویڈیو میں شاہ رخ خان نے اپنے مدحوں کو نئے سال کی مبارکباد بھی پیش کی ہے اور یہ بھی کہا کہ ان کی یہ پوسٹ دیر سے تیار ہو پائی، کیونکہ انہوں نے کلپ کو خود ہی شوٹ کیا اور ایڈٹ بھی کی ہے۔
Published: undefined
شاہ رخ خان نے ویڈیو کے شروعات میں کہا، ’’یہ سال کا وہ وہ وقت ہے جب پرانا سال ختم ہو رہا ہے اور نیا سال دستک دے رہا ہے۔ دراصل نیا سال آ چکا ہے لیکن آپ سبھی کو مبارک باد پیش کرنے میں مجھے دیر ہو گئی۔ مجھے یقین ہے کہ 2020 ہر کسی کے لئے سب سے خراب سال رہا ہے۔ خراب وقت میں بہتوں کے لئے امید اور روشنی کی کرن کھوجنا مشکل ہے۔ لیکن میں برے دنوں، مشکل وقت اور بھیانک سالوں کو ایک خاص نظریہ سے دیکھتا ہوں۔‘‘
Published: undefined
انہوں نے مزید کہا، ’’میرا خیال ہے کہ جب کوئی اپنی زندگی کے سب سے نچلی سطح پر ہوتا ہے تو اچھی بات یہ ہے کہ آگے بڑھنے کا صرف ایک ہی طریقہ ہے کہ اوپر کی طرف، بہتری کی جانب پیش قدمی کی جائے۔ 2020 جیسا بھی رہا ہو لیکن 2021 ضرور عظیم، بہتر، شاندار اور انتہائی خوبصورت گزرنے والا ہے۔‘‘
Published: undefined
شاہ رخ خان نے اس ویڈیو کلپ کو دلچسپ بنانے کے لئے نہ صرف اسپیشل افیکٹس ڈالے بلکہ ہلکا پھلکا مذاق بھی کیا۔ انہوں نے کہا کہ 2020 نے ہمیں ایک چیز سکھائی ہے وہ یہ کہ اصل مزہ اصلی لوگوں کے ساتھ ہے۔ آپ سبھی کے لئے 2021 میں ڈھیر ساری خوشیاں، لطف اور سکون کی تمنا کرتا ہوں۔
Published: undefined
مزاحیہ انداز میں انہوں نے کہا، ’’کیا میں کسی سستے گریٹنگ کارڈ کی طرح نظر آ رہا ہوں؟ تو میں اس میں میوزک اور ٹیکسٹ ڈال کر اسے دلچسپ بنا دیتا ہوں۔ جائیے ہارڈ پارٹی کیجیے لیکن ہارڈ نہیں بلکہ سوفٹ طریقہ سے۔ زیادہ ڈرنک مت کرنا اور اپنے کپڑے اتار کر سڑک پر مت دوڑنا کیونکہ اس میں گرفتار ہونے کا خطرہ ہے اور صبح جب آپ اٹھیں گے تو معلوم ہو گا کہ آپ کا موبائل کھو چکا ہے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم