ہندوستان میں تنازعہ کا شکار بننے والی مشہور فلم ’دی کشمیر فائلس‘ آسکر ایوارڈ کے لیے شارٹ لسٹ کر لی گئی ہے۔ ڈائریکٹر وویک اگنیہوتری کی اس فلم میں کلیدی کردار نبھانے والے مشہور اداکار انوپم کھیر کے لیے بھی خوشخبری سامنے آئی ہے، کیونکہ ان کا نام بھی آسکر ایوارڈ 2023 کے پیش نظر بہترین اداکار کی کیٹگری میں شارٹ لسٹ ہو گیا ہے۔
Published: undefined
اس سلسلے میں انوپم کھیر نے اپنے آفیشیل ٹوئٹر ہینڈل پر ٹوئٹ کر جانکاری دی ہے اور خوشی کا اظہار بھی کیا ہے۔ انھوں نے لکھا ہے ’’ایک فلم کی شکل میں دی کشمیر فائلس کو آسکر 2023 کے لیے بہترین فلم اور بہترین اداکار کی کیٹگری میں منتخب کیے جانے پر بہت خوشی ہو رہی ہے۔ شارٹ لسٹ کی شکل میں بھی یہ ہمارے لیے بڑی جیت ہے۔ لسٹ میں شامل دیگر ہندوستانی فلموں کو میری طرف سے بہت مبارکباد۔ ہندوستانی سنیما کی جئے ہو۔‘‘
Published: undefined
واضح رہے کہ فلم ’دی کشمیر فائلس‘ میں انوپم کھیر کی اداکاری کی خوب تعریف ہوئی ہے۔ یہ فلم 2022 کی متنازعہ ہندی فلموں میں شامل تھی اور ہندوستان کے ساتھ ساتھ بیرون ممالک میں بھی اس فلم کو تنقید کا سامنا کرنا پڑا تھا۔ لیکن اب جب کہ اس کو آسکر کے لیے شارٹ لسٹ کیا گیا ہے، تو اداکار انوپم کھیر کے ساتھ ساتھ ہدایت کار وویک اگنیہوتری نے بھی خوشی کا اظہار کیا ہے۔
Published: undefined
بہرحال، فلم ’دی کشمیر فائلس‘ کے علاوہ ہندوستان کی جن فلموں کو آسکر 2023 کے لیے شارٹ لسٹ کیا گیا ہے ان میں ’کانتارا‘ (جنوب کے سپراسٹار رشبھ شیٹی کی فلم) اور ’گنگوبائی کاٹھیاواڑی‘ (بالی ووڈ سپراسٹار عالیہ بھٹ کی اداکاری والی فلم) بھی شامل ہیں۔ قابل ذکر ہے کہ 24 جنوری کو پتہ چلے گا کہ یہ فلمیں آسکر کے سفر میں آگے بڑھ پائیں گی یا نہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined