بالی ووڈ

مادھوری اور جیکلین کے ’ایک، دو، تین...‘ گانے پر بالی ووڈ آمنے سامنے

فلم ’تیزاب‘ کے اداکار انل کپور کا کہنا ہے کہ مادھوری دیکشت کے رقص کو دہرانا بہت مشکل کام ہے اور جیکلین نے اسے بخوبی نبھایا ہے۔

تصویر سوشل میڈیا
تصویر سوشل میڈیا مادھوری دکشت اور جیکلین

’ایک، دو، تین...‘ گانے پر شروع ہوا ہنگامہ تھمنے کا نام نہیں لے رہا ہے۔ اس گانے کی اصل پہچان مادھوری دیکشت کا رقص ہے، لیکن اس گانے کی جو نئی شکل سامنے آئی ہے اس پر ایسے رد عمل سامنے آئیں ہیں کہ اب اس میں بڑے بڑے لوگ کود پڑے ہیں۔ اب تو ٹائیگر خان یعنی سلمان خان نے بھی اپنا رد عمل ظاہر کیا ہے۔ انھوں نے ایک ٹوئٹ کر کے اس گانے کی تعریف کرتے ہوئے لکھا ہے کہ ’’ورون اور جیکلین نے جس طرح ہمارے گانوں کو دوبارہ زندہ کر دیا ہے اس پر مجھے فخر ہے۔‘‘

Published: 22 Mar 2018, 7:51 PM IST

دراصل پورا معاملہ اس وقت شروع ہوا جب جیکلین فرنانڈیز نے ’باغی – 2‘ کے لیے ’ایک، دو، تین...‘ گانے پر ڈانس کیا۔ اصل گانا برسوں پہلے آئی مادھوری دیکشت اور انل کپور کی فلم ’تیزاب‘ کا ہے جس میں اس گانے پر سروج خان کے ڈانس ڈائریکشن میں مادھوری دیکشت نے بے مثال رقص پیش کیا تھا۔ یہ گانا آج بھی لوگوں کے دل و دماغ میں چھایا ہوا ہے۔ اس گانے کی انل کپور نے تعریف بھی کی ہے۔ انھوں نے لکھا ہے کہ مادھوری دیکشت کے رقص کو دہرانا بہت مشکل کام ہے اور جیکلین نے اسے بخوبی نبھایا ہے۔ اس کے لیے بہت ہمت اور محنت کی ضرورت ہوتی ہے۔

لیکن جیکلین پر فلمائے گئے اس گانے کو ناظرین نے پسند نہیں کیا ہے۔ اس گانے کی کوریوگرافی یعنی ڈانس ڈائریکشن کی بھی تنقید ہو رہی ہے۔ ’تیزاب‘ فلم کے ڈائریکٹر کو بھی یہ گانا پسند نہیں آیا اور گانے کی اصل کوریوگرافر سروج خان بھی اس سے بے حد خفا ہیں۔

Published: 22 Mar 2018, 7:51 PM IST

کوریوگرافر سروج خان سے جب اس بارے میں پوچھا گیا تو انھوں نے مایوسی کے ساتھ اس پر تبصرہ کرنے سے انکار کر دیا ہے۔ خبریں ہیں کہ سروج خان’تیزاب‘ کے فلمساز این چندرا کے ساتھ مل کر اس گانے کے ریمیک کے خلاف کارروائی کرنے کا منصوبہ بنا رہی ہیں۔

Published: 22 Mar 2018, 7:51 PM IST

دوسری طرف ’ایک، دو، تین...‘ گانے کے نئے ورژن کو دیکھنے کے بعد این چندرا کا کہنا ہے کہ ’’میں گانے کے نئے ٹریک کو دیکھ کر حیران ہوں۔ مجھے یقین نہیں ہو رہا ہے کہ انھوں نے گانے کے ساتھ کیا کیا ہے۔ یہ تو تصور سے اوپر کی بات ہے اور مادھوری دیکشت کے گانے کو جیکلین نے کیا ہے! یہ تو ایسا ہے جیسے سنٹرل پارک سے بوٹنیکل گارڈن چلے گئے۔ مادھوری نے گریس اور انوسنس کے ساتھ ڈانس کیا تھا، یہ تو سیکس ایکٹ ہے۔‘‘

’ایک، دو، تین...‘ گانے کو نئی آواز دینے والی گلوکارہ شریا گھوشال اس گانے سے بہت خوش ہیں۔ انھوں نے اس گانے کو اپنی طرف سے مادھوری دیکشت اور اصل گلوکارہ لکا یاگنک کو تحفہ بتایا ہے۔

لیکن مادھوری دیکشت کے شیدائیوں کو اس گانے کی نئی شکل بالکل بھی اچھی نہیں لگی۔ روہت جیسوال نے لکھا ہے کہ ’’سروج جی، چندرا جی اور مادھوری دیکشت کے اعزاز کے طور پر میں اس نئے گانے پر فلم چھوڑ کر ہال سے باہر نکل جاؤں گا۔‘‘

Published: 22 Mar 2018, 7:51 PM IST

مادھوری دیکشت کے ایک دیگر چاہنے والے سمت کدیل نے اس گانے کو مادھوری دیکشت کی بے عزتی قرار دیا ہے۔

Published: 22 Mar 2018, 7:51 PM IST

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: 22 Mar 2018, 7:51 PM IST