’ہندی میڈیم‘ کا سیکوئل ’انگریزی میڈیم‘، رادھیکا بنیں گی عرفان اور کرینہ کی بیٹی

بالی ووڈ کے نامور اداکار عرفان خان برطانیہ میں طویل مدت تک علاج کرانے کے بعد ایک مرتہ پھر نئی توانائی کے ساتھ کام پر واپس لوٹنے کی تیاری کر رہے ہیں۔ ان کی سپر ہٹ فلم ’ہندی میڈیم‘ کے سیکوئل ’ہندی میڈیم-2‘ کی تیاری چل رہی ہی اور اپریل مہینے کے دوسرے ہفتہ میں شوٹنگ بھی شروع ہو جائے گی۔

فلم ’ہندی میڈیم‘ میں پاکستانی اداکارہ صبا قمر نے عرفان خان کے ساتھ مرکزی کردار ادا کیا تھا لیکن اس مرتبہ ان کی جگہ کرینہ کپور کو لیا گیا ہے۔ میڈیا رپورٹوں کے مطابق رادھیکا مدان بھی اس فلم میں نظر آئیں گی جوکہ عرفان خان اور کرینہ کپور کی بیٹی کا کردار ادا کریں گی۔

حال ہی میں اس طرح کی خبریں گردش کرنے لگی تھیں کہ محنتانہ کم ہونے کی وجہ سے کرینہ کپور اس فلم سے علیحدہ ہونے والی ہیں لیکن اب یہ واضح ہو گیا ہے کہ کرینہ ہی ’ہندی میڈیم-2‘ میں صبا قمر کی جگہ کام کریں گی۔ فلم ’ہندی میڈیم‘ میں عرفان خان اپنی چھوٹی سی بیٹی کے ایڈمیشن کے لئے پریشان تھے تو ’ہندی میڈیم-2‘ میں ان کی بیٹی کالج اسٹوڈنٹ ہوگی۔

رپورٹوں کے مطابق ’’عرفان خان اور رادیکھا مدان نے کچھ وقت پہلے سے اس فلم کی تیاری بھی شروع کر دی ہے اور راجستھان میں اپنی شوٹنگ سے پہلے وہ کافی پر جوش نظر آ رہے ہیں۔ راجستھان کے بعد وہ بیرون ملک شوٹنگ کے لئے روانہ ہوں گے۔

اس فلم کے اگلے شیڈیول کے حوالہ سے بات کرتے ہوئے ذرائع نے بتایا، ’’ٹیم نے حال ہی میں ایک اہم فیصلہ لیا ہے، شروعات میں اسے امریکہ میں شوٹ کرنے کا منصوبہ تھا لیکن اب یہ شوٹ لندن میں ہوگا۔‘‘ حال ہی میں آئی ایک رپورٹ میں کہا گیا ہے کہ ہندی میڈیم-2 میں کرینہ کپور ایک پولس افسر کے طور پر نظر آئیں گی۔

واضح رہے کہ نیورو اینڈو کرائن ٹیومر نامی بیماری میں مبتلا ہونے کی وجہ سے عرفان خان کو علاج کے لیے اپنی فیملی کے ہمراہ لندن جانا پڑا تھا۔ آخری مرتبہ انہیں فلم ’کارواں‘ میں دیکھا گیا تھا، علاج کے بعد ہندوستان واپس آنے پر ’ہندی میڈی-2‘ ان کیئ پہلی فلم ہوگی۔