
فائل تصویر آئی اے این ایس
اسرائیل نے غزہ شہر کے مغربی علاقے میں ایک گاڑی کو نشانہ بنا کر فضائی حملہ کیا جس کے نتیجے میں چار فلسطینی جاں بحق اور کئی زخمی ہو گئے۔ العربیہ/الحدث کے مطابق ہلاک ہونے والوں میں حماس کے عسکری ونگ القسام بریگیڈز کے عسکری آپریشنز کے کمانڈر ابو عبد اللہ الحدیدی بھی شامل ہیں۔
Published: undefined
اسرائیلی فوج نے یہ بھی اعلان کیا ہے کہ اس نے حماس کے تین مسلح ارکان کو ہلاک کر دیا جو گزشتہ روز رفح کے علاقے جنینہ میں ایک سرنگ سے نکل آئے تھے۔ فوج کے ترجمان افخائی ادرعی نے "ایکس" پر بتایا کہ جمعہ کے روز سرنگ سے نکلنے والے 15 مسلح افراد میں سے 6 کو فضائی حملے میں ہلاک، اور 5 کو گرفتار کیا گیا۔ صبح کے وقت مزید تین مسلح افراد مارے گئے۔
Published: undefined
حماس نے کہا کہ "اسرائیلی فوج کی مسلسل خلاف ورزیاں، جنگ بندی کے معاہدے کے لیے نہایت خطرناک ہیں اور یہ ثالثوں اور امریکی انتظامیہ کو ذمہ دار بناتی ہیں کہ وہ معاہدے کو نقصان پہنچانے کی کوششوں کو روکے۔"
Published: undefined