ویڈیو: ادب نامہ میں ندا فاضلی کی شخصیت اور شاعری پر خصوصی گفتگو

نیشنل ہیرالڈ، نوجیون اور قومی آواز کے مشترکہ ادبی پروگرام ’ادب نامہ‘ کی نئی قسط میں معروف شاعر، ناظمِ مشاعرہ اور ادبی محقق معین شاداب نے جدید اردو شاعری کے ممتاز شاعر ندا فاضلی کی زندگی، شخصیت، فکری جہات اور شاعری پر تفصیلی گفتگو کی۔

اس نشست میں ندا فاضلی کے خاندانی پس منظر، شاعری کی طرف ان کے سفر، انسان دوستی، عوام دوستی، فطرت سے گہرے تعلق اور ان کے منفرد شعری اسلوب پر روشنی ڈالی گئی۔ معین شاداب نے بتایا کہ ندا فاضلی کی شاعری کا بنیادی محور عام انسان، محبت، رواداری اور انسانی اقدار ہیں، اسی لیے ان کے اشعار آج بھی مختلف طبقوں کے قارئین میں یکساں مقبول ہیں۔

پروگرام کے دوران ندا فاضلی کے کئی معروف اشعار بھی پیش کیے گئے اور ان کے ادبی، سماجی اور فکری پس منظر کی وضاحت کی گئی۔ گفتگو میں ان کی شاعری کی سادگی، گہرائی اور عصر حاضر میں اس کی معنویت پر بھی اظہارِ خیال کیا گیا۔

یہ خصوصی قسط اردو ادب، شاعری اور ادبی شخصیات سے دلچسپی رکھنے والے ناظرین کے لیے معلوماتی اور فکر انگیز ہے۔ مکمل ویڈیو قومی آواز کے یوٹیوب چینل پر دیکھی جا سکتی ہے، جبکہ اس کا لنک اس خبر کے ساتھ بھی شامل کیا گیا ہے۔